Public Meeting in Support of Eknath Shinde in Thane : मंत्री एकनाथ शिंदे यांनी आपल्याच पक्षाविरोधात दंड थोडपटले आहेत. शिंदे यांच्यासोबत शिवसेनेचे एकूण ४० आमदार असून त्यांच्या भूमिकेमुळे महाविकास आघाडी सरकार संकटात सापडले आहे. शिंदे यांच्या या भूमिकेचे काही शिवसैनिक समर्थन करत आहेत. तर काही शिवसैनिकांकडून या भूमिकेला कडाडून विरोध केला जातोय. या सर्व घडामोडी घडत असताना आता एकनाथ शिंदे यांच्या समर्थनार्थ आज ठाण्यात टेंभी नाका येथे शक्ती प्रदर्शन होत आहे.
शिवसेना आणि बंडखोर एकनाथ शिंदे गट यांच्यात कायदेशीर लढाई सुरू झाली असून, महाविकास आघाडी सरकारच्या स्थैर्याबाबतचा तिढा कायम आहे. १६ बंडखोर आमदारांना पाठवलेल्या अपात्रतेच्या नोटिसांना आणि गटनेतेपदाच्या नियुक्तीला शिंदे यांनी सर्वोच्च न्यायालयात आव्हान दिले आह़े
Eknath Shinde and Shiv Sena Live Update : शिवसेनेचे बंडखोर नेते एकनाथ शिंदे यांच्या समर्थनार्थ ठाण्यातील जाहीर सभेचे अपडेट्स
खासदार श्रीकांत शिंदे हे आनंद दिघे यांचे स्मृतीस्थळ असलेल्या शक्तीस्थळावर पोहचले आहेत. यावेळी त्यांच्यासोबत मोठ्या संख्येने शिंदे समर्थक आहेत.
टेंभी नाका येथील आनंद आश्रमात जमलेले शेकडो एकनाथ शिंदे समर्थक आता शक्ती स्थळाच्या दिशेने निघाले आहेत.
खासदार श्रीकांत शिंदे आनंद आश्रम येथे दाखल झाले असून, शिंदे समर्थकांची जोरदार घोषणाबाजी सुरू आहे.
एकनाथ शिंदे यांचे भाऊ प्रकाश शिंदे आनंद आश्रमात दाखल झाले असून, शिंदे समर्थकांची मोठी गर्दी झालेली आहे. शिवाय जोरदार घोषणाबाजी देखील केली जात आहे.
आनंद आश्रमात एकनाथ शिंदे यांच्या समर्थकांसह, माजी नगरसेवकांचीही जोरदार घोषणाबाजी सुरू आहे. एकनाथ शिंदे साहेब आगे बढो, धर्मवीर आनंद दिघे साहेबांचा विजय असो…अमर रहे अमर रहे दिघे साहेब अमर रहे… अशा घोषणा सुरू आहे.
शिवसेना आणि बंडखोर एकनाथ शिंदे गट यांच्यात कायदेशीर लढाई सुरू झाली असून, महाविकास आघाडी सरकारच्या स्थैर्याबाबतचा तिढा कायम आहे. १६ बंडखोर आमदारांना पाठवलेल्या अपात्रतेच्या नोटिसांना आणि गटनेतेपदाच्या नियुक्तीला शिंदे यांनी सर्वोच्च न्यायालयात आव्हान दिले आह़े.
टेंभीनाका येथील आनंद आश्रमाजवळील रस्ता ठाणे पोलिसांनी बंद केला आहे. या ठिकाणी दंगल नियंत्रण पथक, नौपाडा, ठाणेनगर पोलीस दाखल आहेत.( छाया- दीपक जोशी)
आनंद आश्रमात शिवसैनिक जमा होण्यास सुरूवात झाली असून, बाहेर पोलिसांचा तगडा बंदोबस्त तैनात आहे.
एकनाथ शिंदे यांचे भाऊ माजी नगरसेवक प्रकाश शिंदे हे संबोधित करण्याची शक्यता आहे.
पोलीस उपायुक्त अविनाश अंबुरे दाखल हे सभा होणार असलेल्या ठिकाणी दाखल झाले आहे. पोलिसांकडून आनंद आश्रमाची पाहणी सुरू आहे.
पोलिसांनी कोर्टनाका येथून ठाण्याच्या दिशेने होणारी वाहतूक आनंद आश्रम येथे रोखली आहे.
ठाण्यातील टेंभी नाका परिसरातील आनंद आश्रमासमोर मोठा पोलीस बंदोबस्त तैनात आहे
एकनाथ शिंदे यांच्या समर्थनार्थ आज ठाण्यात ठेंभी नाका येथे जाहीर सभा होणार आहे.
शिंदे यांच्या या भूमिकेचे काही शिवसैनिक समर्थन करत आहेत.
