दुचाकीच्या धडकेत वृद्ध पादचाऱ्याचा मृत्यू

भिवंडी येथील अजमेरनगर गेट परिसरात मोहम्मद फारूख हे वास्तव्यास होते. ते शनिवारी सायंकाळी अजमेरनगर गेट परिसरातून पायी जात होते. त्याचवेळी भरधाव दुचाकीची त्यांना धडक बसली. या अपघातात त्यांच्या डोक्याला गंभीर दुखापत झाली. त्यांना तात्काळ भिवंडी येथील सरकारी रुग्णालयात दाखल करण्यात आले.

परंतु त्यांना डाॅक्टरांनी मृत घोषित केले. या अपघाता प्रकरणी नारपोली पोलीस ठाण्यात दुचाकी चालकाविरोधात गुन्हा दाखल झाला आहे.