scorecardresearch

Premium

ठाणे स्थानक परिसरात रिक्षाचालक अडवितात प्रवाशांची वाट; वाहतूक पोलिसांसमोरच रिक्षाचालकांचा उपद्रव

थांब्यावर रिक्षा उपलब्ध होत नसल्याने प्रवाशांना रांगेत उभे रहावे लागत आहे.

Thane station area, rickshaw drivers blocking way passengers parking rickshaws hawker-free areas
ठाणे स्थानक परिसरात रिक्षाचालक अडवितात प्रवाशांची वाट; वाहतूक पोलिसांसमोरच रिक्षाचालकांचा उपद्रव (छायाचित्र- लोकसत्ता टीम)

ठाणे: पश्चिम रेल्वे स्थानकातील प्रवाशांचा प्रवास कोणत्याही अडथळ्याविना व्हावा या उद्देशातून ठाणे महापालिका प्रशासनाने सॅटीस पुलाखालील परिसर फेरिवालामुक्त केला आहे. पण, गेल्या काही दिवसांपासून गर्दीच्यावेळेत काही रिक्षाचालक थांबा सोडून फेरिवालामुक्त झालेल्या भागांमध्ये रिक्षा उभ्या करून प्रवाशांची वाट अडवित आहे. त्याचबरोबर थांब्यावर रिक्षा उपलब्ध होत नसल्याने प्रवाशांना रांगेत उभे रहावे लागत आहे. याठिकाणी तैनात असलेल्या पोलिसांदेखतच हे प्रकार सुरू असल्याने प्रवाशांकडून आश्चर्य व्यक्त होत आहे.

ठाणे स्थानकातून दररोज सहा ते सात लाख प्रवासी दररोज कामानिमित्त वाहतूक करतात. अनेक प्रवासी दुचाकी किंवा चारचाकी वाहनाने घर ते स्थानकापर्यंतचा प्रवास करतात. तर, अनेक नागरिक बस, रिक्षाने घर ते स्थानकापर्यंतचा प्रवास करतात. या प्रवाशांची संख्या मोठी आहे. सॅटीस पुलाखाली रिक्षांकरिता स्वतंत्र थांबा आहे. याठिकाणी नागरिकांना रिक्षा उपलब्ध व्हावी आणि रिक्षाचालकांना शिस्त लागावी यासाठी लोखंडी मार्गरोधक बसविण्यात आलेले आहेत. याच भागातून रिक्षाचालकांनी प्रवाशांची वाहतूक करणे अपेक्षित आहे. परंतु गेल्या काही दिवसांपासून काही रिक्षाचालक थांबा सोडून इतरत्र रिक्षा उभ्या करित आहेत. यामुळे रांगेत उभे राहणाऱ्या प्रवाशांना रिक्षा उपलब्ध होत नाहीत.

pune mahametro, return ticket service, closed from 1 st march 2024
पुणे मेट्रोत आता नो रिटर्न! महामेट्रोच्या निर्णयाचा प्रवाशांना बसणार फटका
thane air conditioned trains cancelled marathi news, thane ac trains cancelled marathi news
ठाणे : सुट्ट्यांच्या दिवसांत वातानुकूलीत रेल्वेगाड्यांच्या सेवा रद्द होत असल्याने प्रवासी हैराण
state and central government authority, responsibility, Alibag Vadkhal road, Bad condition
अलिबाग वडखळ मार्ग नेमका कोणाचा? दुरुस्तीच्या कामात यंत्रणांची टोलवाटोलवी
badlapur railway station, amenities, local train passengers
आधी डोक्याला चटके, मग मिळते लोकल; बदलापूर रेल्वे स्थानकात छप्पराअभावी प्रवाशांना उन्हाच्या झळा

हेही वाचा… कल्याण तळोजा मेट्रो १२ च्या प्रत्यक्ष बांधकामाला सुरुवात होणार

पश्चिम रेल्वे स्थानकातील प्रवाशांचा प्रवास कोणत्याही अडथळ्याविना व्हावा या उद्देशातून ठाणे महापालिका प्रशासनाने सॅटीस पुलाखालील परिसर फेरिवालामुक्त केला आहे. यामुळे नागरिकांना परिसरातून चालणे शक्य होत होते. परंतु गेल्या काही दिवसांपासून काही रिक्षाचालक थांबा सोडून फेरिवालामुक्त झालेल्या भागांमध्ये रिक्षा उभ्या करून प्रवाशांची वाट अडवित आहे. थांब्यावर रिक्षा उपलब्ध होत नसल्याने प्रवाशांना रांगेत उभे रहावे लागत आहे. एकीकडे परिसर फेरिवालामुक्त झाला असला तरी रिक्षाचालकांच्या बेशिस्तपणामुळे प्रवाशांना मुक्तपणे प्रवास करणे शक्य होत नसल्याचे चित्र आहे. याच परिसरात वाहतूक पोलिसांची चौकी असून त्याचबरोबर याठिकाणी वाहतूक पोलिसही तैनात असतात. त्यांच्या देखतच रिक्षाचालक थांबा सोडून इतरत्र उभे राहून रस्ते अडवित आहेत. त्यावर कारवाई होत नसल्याने प्रवाशांमधून नाराजीचा सुर उमटत आहे.

ठाणे स्थानकातून प्रवाशांना रिक्षा उपलब्ध व्हावी यासाठी सॅटीस पुलाखाली रिक्षा थांबा उभारण्यात आलेला आहे. या थांब्यावरूनच रिक्षांची रांगेत वाहतूक व्हावी यासाठी येथे लोखंडी मार्गरोधक बसविण्यात आलेले आहेत. या थांब्याच्या बाजूलाच टॅक्सीचा थांबा असून त्याची स्वतंत्र मार्गिका आहे. येथूनच दुचाकी आणि इतर वाहनांची वाहतूक सुरू असते. याच मार्गिकेतून काही चालक रिक्षा नेऊन पुढे स्थानकाच्या प्रवेशद्वाराजवळ उभ्या करतात.

ठाणे स्थानक परिसरात थांबा सोडून इतरत्र रिक्षा उभी करणाऱ्या चालकांवर वेळोवेळी कारवाई केली जाते. – विनयकुमार राठोड, वाहतूक शाखा उपायुक्त

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In thane station area rickshaw drivers are blocking the way of passengers and parking rickshaws in hawker free areas dvr

First published on: 01-12-2023 at 09:58 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×