ठाणे : महायुतीच्या उमेदवारांच्या प्रचारासाठी मनसेचे अध्यक्ष राज ठाकरे हे रविवारी ठाण्यात येणार आहेत. राज ठाकरे यांची कळवा येथील ९० फूट रोड परिसरात सभा आयोजित करण्यात आली आहे. सभेपूर्वी ते शिवसेनेचे दिवंगत नेते आनंद दिघे यांच्या टेंभी नाका येथील आनंद आश्रमात आनंद दिघे यांच्या प्रतिमेचे दर्शन घेणार आहेत. आनंद दिघे हे राज ठाकरे यांच्या अत्यंत जवळचे मानले जात होते. राज ठाकरे ठाण्यात येत असल्याने मनसैनिकांबरोबरच महायुतीच्या कार्यकर्त्यांमध्ये जल्लोषाचे वातावरण आहे. तसेच दिघे यांचा खरा शिष्य कोण? या वादावर आता राज ठाकरे हे सभेतून पडदा टाकणार असल्याचा दावा शिवसेनेचे पदाधिकारी करत आहेत.

शिवसेनेचे दिवंगत नेते ठाणे जिल्हाप्रमुख आनंद दिघे आणि राज ठाकरे यांचे जिव्हाळ्याचे नाते होते. ठाणे लोकसभेसाठी शिवसेनेकडून नरेश मस्के तर कल्याण लोकसभेसाठी श्रीकांत शिंदे यांना उमेदवारी जाहीर करण्यात आली. काही दिवसांपूर्वी या दोन्ही उमेदवारांनी राज ठाकरे यांची भेट घेऊन सभा घेण्याची विनंती केली होती. त्यांच्या विनंतीला प्रतिसाद देत राज ठाकरे यांनी सभा घेणार असल्याचे जाहीर केले होते. रविवारी सायंकाळी कळवा येथील ९० फूट रोड परिसरात राज ठाकरे यांची जाहीर सभा आयोजित करण्यात आली आहे. या सभेची तयारी महायुतीच्या पदाधिकाऱ्यांकडून सुरू झाली आहे.

India restricted import of gold jewellery
यूपीएससी सूत्र : चित्तांच्या निवासासाठी गांधीसागर वन्यजीव अभयारण्याची निवड अन् सोन्याच्या दागिन्यांच्या आयातीवरील बंदी, वाचा सविस्तर…
Sangli, Shivsena, protests,
सांगली : रिक्षा नुतनीकरणास प्रतिदिन ५० रुपये विलंब आकारणीच्या विरोधात शिवसेनेची निदर्शने
ajit pawar chhagan bhujbal unhappy
राज्यसभेच्या उमेदवारी वरून छगन भुजबळ नाराज असल्याची चर्चा; अजित पवार म्हणाले, “आमच्या जवळच्या काही मित्रांनी…”
keshav upadhye replied to anil deshmukh allegation
“माजी गृहमंत्र्याचा अभ्यास कायद्याचा नसून केवळ १०० कोटींच्या वसुलीचा, त्यामुळे…”; अनिल देशमुखांच्या ‘त्या’ आरोपाला भाजपाचं प्रत्युत्तर!
mla jayant patil praises sharad pawar for success in lok sabha election
राष्ट्रवादीच्या यशाचे श्रेय शरद पवारांच्या अथक परिश्रम व त्यांच्या प्रभावाला – आ. जयंत पाटील
Gadchiroli, Puttewar murder,
गडचिरोली : ‘पुट्टेवार’ हत्याकांड; अर्चना पुट्टेवार, प्रशांत पार्लेवारची अटक टाळण्यासाठी काँग्रेस नेत्याची…
Modi 3 0 Cabinet Narendra Modi swearing in ceremony Cabinet posts
भाजपाकडून राजनाथ-गडकरी निश्चित! एनडीएच्या तिसऱ्या मंत्रिमंडळात घटक पक्षातील कुणाला किती मिळणार मंत्रिपदे?
sugarcane, Raju Shetty,
मागील हंगामातील उसाचे प्रतिटन १०० रुपये द्या – राजू शेट्टी यांची मागणी; आचारसंहितेनंतर बैठकीचे आयोजन – पालकमंत्री मुश्रीफ

हेही वाचा : कल्याणमध्ये बाळ हरदास यांची शिंदे गटाच्या कार्यकर्त्याला जीवे मारण्याची धमकी, बाळ हरदास यांनी आरोप फेटाळले

सभेला जाण्यापूर्वी राज ठाकरे हे टेंभी नाका येथील आनंदाश्रमाला भेट देणार आहेत. आनंद दिघे हे या आनंद आश्रमात राहत होते. येथून पूर्ण ठाणे जिल्ह्याचा कारभार हाकत होते. या आनंद आश्रमात ते जनता दरबार भरवत असे. तसेच नागरिकांच्या समस्या सोडवीत होते. राज ठाकरे आता या आनंदाश्रमाला भेट देणार असल्याने शिवसैनिक आणि मनसैनिकांमध्ये जल्लोषाचे वातावरण निर्माण झाले आहे.

नरेश म्हस्के यांच्या निवडणूक प्रचारार्थ रविवारी दुपारी ४.३० वाजता राज ठाकरे आनंद आश्रमाला भेट देणार आहेत. महाराष्ट्र नवनिर्माण सेनेच्या कार्यकर्त्यांबरोबरच महायुतीचे शिवसेना, भाजपा, राष्ट्रवादी काँग्रेस, रिपाइं व मित्र पक्षांचे कार्यकर्ते देखिल यावेळी जोरदार शक्तीप्रदर्शन करणार आहेत अशी माहिती शिवसेनेकडून देण्यात आली.

हेही वाचा : कळवा, मुंब्रा, दिव्यात पुन्हा बेकायदा बांधकामे, उबाठाने समाजमाध्यमांवर प्रसारित केली बांधकामांची छायाचित्रे

शिवसेनेत भारतीय विद्यार्थी सेनेचे राज ठाकरे हे अध्यक्ष असताना नरेश म्हस्के यांच्यावर विद्यार्थी सेनेची ठाणे जिल्ह्याची जबाबदारी होती. राज ठाकरे यांच्या मुशीत तयार झालेले धडाडीचे कार्यकर्ते म्हणून नरेश म्हस्के यांची ओळख आहे. ठाणे लोकसभा महायुतीचे शिवसेनेचे उमेदवार म्हणून नरेश म्हस्के यांचे नाव जाहीर झाल्यावर नरेश म्हस्के यांनी राजगड येथे जाऊन राज ठाकरे यांची भेट घेऊन आशीर्वाद घेतले होते. तेव्हा ठाणे लोकसभा क्षेत्रातील मनसैनिक नरेश म्हस्के यांच्या पाठिशी खंबीर उभे राहणार असल्याची ग्वाही दिली होती. रविवारी राज ठाकरे काय बोलणार? यावर सगळ्यांचे आता लक्ष आहे.