ठाणे : वाहतुकीच्या दृष्टीने महत्वाच्या मानल्या जाणाऱ्या घोडबंदर रस्त्यावरील पातलीपाडा आणि मानपाडा या दोन उड्डाणपुलांच्या दुरुस्तीची कामे येत्या दोन दिवसांत हाती घेतली जाणार आहेत. ही कामे रात्रीच्या वेळेत केली जाणार असून टप्प्याटप्प्याने ही कामे केली जाणार आहेत. ऐन पावसाळ्यात ही कामे हाती घेण्यात आल्याने घोडबंदर मार्गावर कोंडी होण्याची भिती व्यक्त होत आहे. रस्ते दुरुस्तीची कामे प्रशासनाला उन्हाळ्यात का सूचली नाहीत असा प्रश्न नागरिकांकडून उपस्थित होत आहे.

घोडबंदर भागात गेल्या काही वर्षांपासून मोठ्याप्रमाणात लोकवस्ती वाढली आहे. कासारवडवलीपर्यंत सिमीत असणाऱ्या उंच इमारती आता गायमुखच्या टोकापर्यंत उभ्या राहत आहेत. घोडबंदर मार्गावर उरण येथील जेएनपीटीच्या बंदर आणि गुजरातच्या दिशेने वाहतूक करणाऱ्या अवजड वाहनांचा भारही वाढला आहे. वाहतूक कोंडी टाळण्यासाठी या मार्गावर मानपाडा, पातलीपाडा आणि वाघबीळ असे तीन उड्डाणपूल बांधण्यात आले आहेत. असे असले तरी मेट्रोची कामे, रस्त्यांची बिकट अवस्था, सेवा रस्त्यांचे खोदकाम यामुळे घोडबंदर मार्गावर वाहतूक कोंडी वाढली असून नागरिक हवालदील झाले आहेत. तसेच येथे अपघातांचे प्रमाणही वाढले आहे.

thane township residents unite to close rmc project in ghodbunder area
घोडबंदरचा ‘आरएमसी’ प्रकल्प बंद करण्यासाठी रहिवाशांची एकजूट; आंदोलनात पर्यावरणवादी सहभागी
navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
Ghodbunder Road, Ghodbunder main and service road merge project, ghodbunder Road, Ghodbunder residents oppose to road construction,
घोडबंदर मुख्य आणि सेवा रस्ते जोडणी प्रकल्प वादात, घोडबंदरवासियांचा प्रकल्पास विरोध
Ghodbunder road, blocked, accident,
घोडबंदर मार्ग ठप्प, अपघातामुळे कोंडी
navi mumbai cracks on flyover
नवी मुंबई: २६ वर्षांत उड्डाण पुलाला तडे, वाहतूक बंद 
video having fun with the kids under the waterfall suddenly the water level rose and the picture changed shocking video goes viral
लोणावळ्याची घटना ताजी असतानाच आणखी एक VIDEO समोर; काही सेंकदांत घेतलेल्या निर्णयामुळे असा बचावला चिमुकला
thane municipal corporation
ठाण्यात शुक्रवार आणि शनिवारी पाणी नाही, महापालिकेच्या पाणी योजनेतील दुरुस्ती कामांमुळे पाणीपुरवठा बंद
Thane-Borivali double tunnel,
ठाणे-बोरिवली दुहेरी बोगदा : अकरा हजार कोटींवरून अठरा हजारांवर गेलेल्या प्रकल्पाचे पंतप्रधानांच्या हस्ते भूमिपूजन

हेही वाचा – दाऊदचा भाऊ इकबाल कासकर याची निर्दोष सुटका

काही दिवसांपूर्वीच येथील गायमुख घाट रस्त्याच्या दुरुस्तीचे काम सार्वजनिक बांधकाम विभागाने हाती घेतले होते. या कामांमुळे कासारवडवलीपर्यंत वाहतूक कोंडी होत होती. तर, बोरीवली, मिरा भाईंदर आणि वसईच्या दिशेने प्रवास करणारे वाहन चालक हैराण झाले होते. अवघ्या २० मिनिटांच्या अंतरासाठी वाहन चालकांना दोन ते अडीच तास लागत होते. हे काम पूर्ण झाल्यानंतर येथील मानपाडा आणि पातलीपाडा या उड्डाणपुलांच्या दुरुस्तीचा निर्णय सार्वजनिक बांधकाम विभागाने घेतला आहे. यातील पातलीपाडा या उड्डाणपुलाची अवस्था अत्यंत वाईट झाली आहे. त्यामुळे येत्या दोन दिवसांत पातलीपाडा मार्गाच्या दुरुस्तीला सुरुवात होणार असून याबाबत वाहतूक पोलिसांनी त्यास हिरवा कंदील दाखविला आहे. या उड्डाणपुलाच्या कामासाठी किमान दोन आठवडे लागणार आहेत. पातलीपाडा उड्डाणपुलाचे काम पूर्ण झाल्यानंतर मानपाडा या उड्डाणपुलाचे काम हाती घेतले जाणार आहे, अशी माहिती सार्वजनिक बांधकाम विभागाच्या अभियंत्यांनी दिली.

हेही वाचा – कल्याण-डोंबिवलीत प्लास्टर ऑफ पॅरिसच्या गणेश मूर्तींच्या विक्रीवर बंदी

येत्या एक ते दोन दिवसांत सार्वजनिक बांधकाम विभागाकडून उड्डाणपुलांच्या दुरुस्तीची कामे सुरू होण्याची शक्यता आहे. परंतु ही कामे रात्रीच्या वेळेत सुरू ठेवावी अशी सूचना करण्यात आली आहे. त्यामुळे सकाळच्या वेळेत उड्डाणपुलावरील वाहतूक सुरू राहील. – डाॅ. विनयकुमार राठोड, उपायुक्त, ठाणे वाहतूक शाखा.