Thane Metro Trial Run News: मुंबई महानगरातील वाहतुक कोंडी, उपनगरीय रेल्वे मार्गावरील ताण कमी करण्यासाठी मेट्रो मार्ग चार (वडाळा-घाटकोपर-कासारवडवली) आणि ४अ (कासारवडवली–गायमुख) प्रकल्प उभारला जात आहे. या मार्गिकेवर सोमवारी मुख्यमंत्री देवेंद्र फडणवीस यांच्या उपस्थितीत चार स्थानकांपर्यंत चाचणी केली जाणार आहे. ही मेट्रो ट्रेन कशी असेल , त्याची वैशिष्ट्य काय आहेत, याविषयी सर्वांमध्ये उत्सुकता असून त्याबाबत जाणून घेऊया.
मेट्रो मार्ग चार (वडाळा-घाटकोपर-कासारवडवली) मधील तपासणी टप्पा-१ मधील चार प्राधान्य स्थानके असून यात घोडबंदर रोडवरील, गायमुख जंक्शन, गायमुख गाव कासारवडवली, विजय गार्डन या चार स्थानकांचं समावेश आहे. या प्रक्रियेत कमिशनर ऑफ मेट्रो रेल सेफ्टी (CMRS) यांच्या आवश्यकतेनुसार सर्व तात्रिक प्रणाली सज्ज आहेत की नाही याचे पुनरावलोकन करण्यात येईल. या विभागातील मूलभूत पायाभूत सुविधा उड्डाणपूल (Viaduct), मार्गिका (Track) आणि ओव्हरहेड इक्विपमेंट (OHE) पूर्ण झाल्या आहेत.
तपासणी व प्रारंभिक चाचणी धावांदरम्यान लोड कॅल्क्यूलेशनसाठी आणि सॉफ्टवेअर कॉन्फ़िगरेशनसाठी आवश्यक माहिती गोळा केली जाईल, तसेच सुरक्षित वाहतुकीसाठी आवश्यक असलेल्या सर्व प्रणालींची जसे की मेट्रो ट्रेन इत्यादी चाचणी घेऊन त्यांचे एकत्रीकरण केले जाईल.
ठाणेकरांना सार्वजनिक वाहतुकीचा नवा पर्याय उपलब्ध व्हावा यासाठी मेट्रो मार्गिकेची उभारणी करण्यात आली आहे. यापैकी घोडबंदर मार्गावरील चार मेट्रो स्थानकांची आज, सोमवारी मुख्यमंत्री देवेंद्र फडणवीस यांच्या उपस्थितीत एमएमआरडीए करणार तांत्रिक तपासणी आणि ट्रायल रन करणार आहे. हा प्रकल्प केवळ प्रवास सुविधा निर्माण करणार नाही, तर शहराच्या आर्थिक, सामाजिक व पर्यावरणीय विकासालाही चालना देणार आहे. तसेच मुंबई महानगरातील वाहतुक कोंडी, उपनगरीय रेल्वे मार्गावरील ताण कमी होणार आहे.
मेट्रो ट्रेनची ही आहेत वैशिष्ट्ये
बिईएमएल (BEML) चे ६-डब्यांचे ट्रेन-सेट्स, जे मेट्रो मार्ग २अ व ७ वर चालत आहेत, त्याच पध्दती, पुढील सुविधा असतील. आधुनिक ट्रेन कंट्रोल अँड मॅनेजमेंट सिस्टम, प्रवासी आपत्कालीन संपर्क यंत्रणा, स्वयंचलित अग्निशमन शोध प्रणाली, अडथळा शोध उपकरण, आपत्कालीन परिस्थितीत बाहेर पडण्यासाठी दरवाजा, ऑन-बोर्ड सार्वजनिक उद्घोषणा व माहिती प्रणाली, ऊर्जा बचत करणारी पुनरुत्पादक ब्रेकिंग प्रणाली (सुमारे ३०% बचत), या प्राधान्य विभागावर तांत्रिक तपासणी आणि चाचणी धावांची सुरुवात करून, एमएमआरडीए ठाणेकर आणि मुंबईकरांसाठी मेट्रो मार्ग ४ व ४अ कार्यान्वित करण्याच्या दिशेने एक महत्वाचे पाऊल उचलत आहे.
