दिवा : लोकल ट्रेनमध्ये शिरायला मिळाले नाही म्हणून एक महिला थेट मोटरमनच्या केबिनमध्ये शिरल्याचा प्रकार बुधवारी सकाळी दिवा स्थानकात घडला. या घटनेमुळे सकाळी रेल्वेसेवा काही कालावधीसाठी विस्कळित झाली होती.
हेही वाचा – ठाण्यात रस्ते सफाईसाठी गुजरातचे यंत्र वाहन; समाज माध्यमांतून पालिकेवर टीका
This quiz is AI-generated and for edutainment purposes only.
संबंधित महिला दिवा स्थानकातून मुंबईच्या दिशेने कामानिमित्ताने निघाली होती. सकाळी गर्दी असल्याने तिला गाडीमध्ये शिरणे शक्य होत नव्हते. त्याचवेळी सकाळी ६.५२ मिनिटांनी खोपोलीहून मुंबईला निघालेली लोकल ट्रेन दिवा स्थानकात आली. त्यांनतर त्या महिलेने मोटरमनच्या केबिनमध्ये प्रवेश केला. मोटरमनने तिला बाहेर पडण्याची विनंती केली. परंतु महिला ऐकत नव्हती. अखेर ७.०५ मिनिटांनी महिलेला केबिनमधून बाहेर काढले. या कालावधीत रेल्वेसेवा विस्कळित झाली होती.
