रविवार २१ जून रोजी भारतातील अनेक शहरांमधून सूर्यग्रहण पहायला मिळालं. पंजाब, राजस्थान, हरियाणा आणि उत्तराखंड या राज्यांतून कंकणाकृती सूर्यग्रहण तर महाराष्ट्रात खंडग्रास ग्रहण पाहण्याची संधी मिळाली. अनेकांनी या ग्रहणाचे फोटो आणि व्हिडिओ सोशल नेटवर्किंगवर शेअर केले. व्हॉट्सअपवरही ग्रहणाचे अनेक फोटो आणि व्हिडिओ व्हायरल झाल्याचे पहायला मिळालं. असं असतानाच काही अकाउंटवरुन थेट अंतराळामधून हे ग्रहण कसं दिसलं त्याची झकल दाखवणारे फोटो आणि जीफ इमेजेस शेअर करण्यात आल्या आहेत.
इंटर नॅशनल स्पेस स्टेशनवर काम करणाऱ्या क्रीस कॅसडी या अंतराळवीराने त्याच्या ट्विटर अकाउंटवरुन अंतराळातून हे सूर्यग्रहण कसं दिसलं याचे काही फोटो पोस्ट केले आहेत. त्याचप्रमाणे काही अवकाश संशोधन करणाऱ्या संस्थांनी सॅटेलाइटच्या माध्यमातून काढलेले फोटो आणि व्हिडिओही शेअर केले आहेत. या फोटोंमध्ये चंद्राची सावली पृथ्वीवर पडल्याचे स्पष्टपणे दिसत आहे.
“सूर्यग्रहणाचे काय सुंदर दृष्य आहे. आम्ही सकाळी चीनवरुन जाताना ही दृष्य टिपली आहेत,” असं क्रिसने आपल्या ट्विटमध्ये म्हटलं आहे. क्रिसने हे फोटो काढले तेव्हा स्पेस स्टेशन हे पृथ्वीपासून ४०० किमी अंतरावरुन प्रवास करत होते.
Super cool view of the Annular Solar Eclipse which passed by our starboard side as we flew over China this morning. A pretty neat way to wake up on Father’s Day morning! Hoping all of the dads in the world have a wonderful day! #Eclipse #FathersDay #HappyFathersDay2020 pic.twitter.com/vJx5yOFAcb
— Chris Cassidy (@Astro_SEAL) June 21, 2020
तीन हजारहून अधिक जणांनी क्रिसने शेअर केलेले हे फोटो रिट्विट केले आहेत तर १५ हजारहून अधिक जणांनी लाइक केले आहेत. इतरही काही संस्थांनी या ग्रहणाच्या सॅटेलाइट इमेज आणि जीफ शेअर केल्या आहेत.
Here’s some #MondayMotivation for you this morning—another view of yesterday’s annular #SolarEclipse courtesy of #Meteosat8, operated by our partners @EUMETSAT. This type of #eclipse occurs when the moon passes in front of the sun, but doesn’t completely cover it. pic.twitter.com/y0ArDEjc1m
— NOAA Satellites (@NOAASatellites) June 22, 2020
आता रशियन स्टॅलेटाइच्या नजरेतून दिसलेल्या ग्रहणाचे हे दृष्य पाहा
Российский космический аппарат #ЭлектроЛ № 2 с высоты 36 000 км запечатлел прохождение тени по поверхности Земли от кольцевого солнечного затмения, которое состоялось 21 июня #затмение2020 #затмение #солнечноезатмение pic.twitter.com/akVyRNXoA6
— РОСКОСМОС (@roscosmos) June 22, 2020
आणि ही आणखी एक जीफ इमेज पाहा
#SATELLITE SPOTLIGHT: The first day of #AstronomicalSummer started with an #AnnularEclipse! In this #Himawari8loop, you can see the shadow of the #Moon pass over eastern #Asia. This kind of #eclipse appears as a #RingofFire in the sky, which was seen from #Africa to #Taiwan. pic.twitter.com/cIhyk4cqzb
— NOAA Satellites – Public Affairs (@NOAASatellitePA) June 21, 2020
खरोखरच पृथ्वीप्रमाणेच अंतराळामधूनही ग्रहण खूपच सुंदर दिसते असंच हे फोटो आणि जीफ इमेजेस पाहिल्यावर म्हणावं लागेल. तुम्हाला काय वाटतं? कमेंट करुन नक्की कळवा.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on June 24, 2020 1:20 pm
