Viral Video : सोशल मीडियावर लहान चिमुकल्यांचे अनेक व्हिडीओ व्हायरल होत असतात. आई वडिल आवडीने त्यांच्या लहान मुलांचे व्हिडीओ शेअर करत असतात. काही व्हिडीओ अगदी थक्क करणारे असतात.
सध्या असाच एका चिमुकलीचा व्हिडीओ चांगलाच चर्चेत आहे. या व्हिडीओमध्ये ही चिमुकली न सांगता घरातील मोठ्यांच्या पाया पडताना दिसत आहे.
असं म्हणतात की कुटूंब हे संस्काराचे मूळ स्त्रोत आहे. कुटुंबामुळे लहान मुलांवर खूप चांगले संस्कार होतात. हा व्हिडीओ पाहून तुम्हाला दिसेल की या चिमुकलीवर तिच्या घरच्यांनी खूप चांगले संस्कार केलेले आहेत.
या व्हायरल व्हिडीओमध्ये चिमुकली घरातील मोठ्यांच्या पाया पडताना दिसत आहे. या व्हिडीओवर लिहिलेय, “या प्रगतशील जगात सगळं काही शिकायला मिळेल पण आपल्या मुलांना हे संस्कार द्यायला विसरू नका” याशिवाय व्हिडीओच्या कॅप्शनमध्ये सुद्धा लिहिलेय, “जगाच्या कोणत्याही बाजारात जा चांगले संस्कार कुठेही मिळणार नाही कारण ती कुटुंबाकडून मिळणारी गोष्ट आहे”
shivanyaa_borade या इन्स्टाग्राम अकाउंटवरुन हा व्हिडीओ शेअर करण्यात आला आहे. या अकाउंटवर यापूर्वी सुद्धा या चिमुकलीचे असे अनेक व्हिडीओ शेअर केलेले आहेत.
हेही वाचा : Desi Jugaad : तुम्ही घरी नसताना झाडांना पाणी कोण घालणार? टेन्शन घेऊ नका, हा भन्नाट जुगाड पाहा…
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “खुप छान.. व्हिडिओ आवडला” तर एका युजरने लिहिलेय, “चिमुकलीवर खूप चांगले संस्कार आहेत”
