scorecardresearch

Premium

ट्रेनमध्ये मुलीबरोबर प्रवास करत होता गोंडस कुत्रा, रेल्वेमंत्र्यांनीही शेअर केला Video; म्हणाले “भारतीय…”

व्हायरल व्हिडीओ पाहिल्यानंतर तो शेअर करण्याचा मोह केंद्रीय रेल्वे मंत्र्यांनादेखील आवरता आला नाही.

Labrador Dog traveling by train
सध्या सोशल मीडियावर अनेक गोंडस प्राण्याचे मनाला भावनारे व्हिडिओ व्हायरल होत आहेत. (Photo : Twitter)

सध्या सोशल मीडियावर अनेक गोंडस प्राण्याचे तर कधी लहान मुलांचे मनाला भावनारे व्हिडिओ व्हायरल होत असतात. शिवाय नेटकरी त्यांच्या आवडीचे व्हिडीओ पुन्हा पुन्हा पाहत असतात. सध्या असाच एक व्हिडिओ सोशल मीडियावर मोठ्या प्रमाणात व्हायरल होत आहे. जो पुन्हा पुन्हा पाहण्याचा मोह नेटकऱ्यांना आवरता येत नसल्याचं पाहायला मिळत आहे. व्हायरल होत असलेल्या व्हिडीओमध्ये एक मुलगी ट्रेनमधून प्रवास करताना आपल्या पाळीव कुत्र्यालाही सोबत घेऊन जाताना दिसत आहे. जे पाहून अनेकांनी त्या महिलेचं कौतुक केलं आहे.

महत्वाची बाब म्हणजे हा व्हायरल व्हिडीओ पाहिल्यानंतर तो शेअर करण्याचा मोह खुद्द केंद्रीय रेल्वे मंत्री अश्विनी वैष्णव यांनादेखील आवरता आला नाही. रेल्वे मंत्र्यांनी हा व्हिडीओ त्यांच्या ट्विटर अकाऊंटवरुन शेअर केला आहे. शिवाय त्यांनी व्हिडीओ शेअर करताना कॅप्शनमध्ये भारतीय रेल्वे चोवीस तास तुमच्या सेवेत असल्याचं लिहिलं आहे.

Nitisha Kaul sent back to uk
युकेतून भारतात आलेल्या काश्मिरी पंडित प्राध्यापिकेला इमिग्रेशन अधिकाऱ्यांनी परत पाठवलं मायदेशी; नेमकं प्रकरण काय?
Abdulla Shahid
“मालदीवमध्ये परदेशी सैन्य तैनात नाहीत!”, माजी पररराष्ट्रमंत्र्यांचा दावा; भारताबाबतचा ‘तो’ दावाही फेटाळला
sarwan singh pandher
‘आम्ही पाकिस्तानमधून नाही आलो’, पोलीस दलाच्या कारवाईनंतर शेतकरी नेत्याचे विधान
Change in Lonavala local timetable immediately after the start of afternoon trains
लोणावळा लोकलबाबत रेल्वेचा मोठा निर्णय! दुपारच्या गाड्या सुरू केल्यानंतर लगेचच वेळापत्रकात बदल

हेही पाहा- चक्क बदकांनी ‘नाटू नाटू’ गाण्यावर केला भन्नाट डान्स, Video शेअर करत हर्ष गोयंका म्हणाले, “परफॉर्मन्स…”

अनेकांना रेल्वेचा प्रवास म्हटलं की डोळ्यासमोर येते ती लोकांची गर्दी आणि गाड्यांची अत्यंत वाईट अवस्था. मात्र, सध्या जो व्हिडिओ व्हायरल होत आहे. त्यामध्ये एक मुलगी आपल्या पाळीव कुत्र्याला सोबत घेऊन ट्रेनमधून प्रवास करताना दिसत आहे. शिवाय यावेळी ट्रेनचा डबा अतिशय स्वच्छ आणि चकचकीत दिसत आहे. तर हा कुत्रा ट्रेनमध्ये मुलीसोबत लहान मुलासारखा प्रवास करतानाचा व्हिडीओ अनेकांना भावला आहे.

हेही पाहा- स्टंटच्या नादात प्रवाशांच्या जीवाशी खेळ; तरुणाने रेल्वे प्लॅटफॉर्मवर पळवली कार, धक्कादायक Video पाहाच

हा व्हिडिओ सर्वप्रथम इन्स्टाग्रामवर पोस्ट करण्यात आला होता. त्यानंतर तो सिद्धार्थ बकारियाने नावात्या व्यक्तीने ट्विटरवर शेअर केला होता. जो नंतर रेल्वे मंत्र्यांनीही शेअर केला. या व्हिडिओमध्ये एक मुलगी ट्रेनमध्ये तिच्या सीटवर ब्लँकेट पांघरुन झोपलेली दिसत आहे, तिच्या शेजारी आणखी कोणीतरी झोपलेलं दिसत आहे. त्यानंतर एक व्यक्ती मुलीजवळ येते आणि तिच्या अंगावरील ब्लँकेट बाजूला काढते, तेव्हा लॅब्राडोर जातीचा एक कुत्रा मुलीजवळ झोपल्याचं दिसत आहे. शिवाय तो कुत्रा निरागसपणे कॅमेराकडे पाहताना दिसत आहे. हे मनाला भावनारे दृश्य पाहिल्यानंतर केंद्रीय रेल्वेमंत्री अश्विनी वैष्णवही प्रभावित झाले आणि त्यांनी हा व्हिडीओही शेअर केला. जो सध्या मोठ्या प्रमाणात व्हायरल होत आहे.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: A cute dog was traveling with a girl in the train the railway minister also shared the video jap

First published on: 16-03-2023 at 19:39 IST

संबंधित बातम्या

तुम्ही या बातम्या वाचल्या आहेत का? ×