Viral Video : वाहतूक नियम मोडणारे अनेक व्हिडीओ सोशल मीडियावर व्हायरल होत असतात. सध्या असाच एक व्हिडीओ व्हायरल होत आहे. या व्हिडीओमध्ये एका अधिकाऱ्याची कार रस्त्याच्या चुकीच्या बाजूने येताना दिसत आहे. जेव्हा या कारला समोरून येणारी कार थांबवते तेव्हा अधिकाऱ्याच्या कारमधून एक व्यक्ती बाहेर पडते आणि समोरून कार घेऊन येणाऱ्या व्यक्तीबरोबर वाद घालताना दिसते. ही संपूर्ण घटना कॅमेऱ्यामध्ये कैद झाली आहे. सध्या हा व्हिडीओ चांगलाच व्हायरल होत आहे.
या व्हायरल व्हिडीओत तुम्हाला दिसेल की एका अधिकाऱ्याची कार रस्त्याच्या चुकीच्या बाजूने येताना दिसत आहे. जेव्हा समोरून येणारी व्यक्ती या कारला थांबवते, तेव्हा अधिकाऱ्याच्या कारमधून एक माणूस बाहेर पडतो. त्याला राग अनावर होतो आणि पुढे तो गाडीतून बाहेर पडून समोरच्या व्यक्तीबरोबर वाद घालताना दिसतो. समोरची व्यक्ती त्याला वारंवार म्हणते, “तुम्ही पोलिसांना बोलवा पण आम्ही बाजूला होणार नाही कारण तुम्ही रस्त्याच्या चुकीच्या बाजूने गाडी चालवत आहात.” त्यावर तो माणूस म्हणतो, “तुम्हाला गाडीवरचा बोर्ड दिसत नाही का?” त्यावर व्यक्ती म्हणते, “गाडीवर बोर्ड लावला म्हणजे तुम्हाला रस्त्याच्या चुकीच्या बाजूने चालवण्याचा अधिकार नाही” त्यानंतर त्यांच्यामध्ये चांगलाच वाद रंगतो. शेवटी तो माणूस परत अधिकाऱ्याच्या गाडीत बसतो आणि त्या कार समोरून स्वत:ची कार हटवतो आणि परत रस्त्याच्या चुकीच्या बाजूने निघून जातो. हा व्हिडीओ सध्या तुफान व्हायरल होत आहे.
काही लोकांना हा माणूस सरकारी अधिकारी आहे का, असा प्रश्न पडला असेल. अधिकाऱ्याची कार चालवणारा व्यक्ती खरंच अधिकारी आहे की ड्रायव्हर, या विषयी अद्याप माहिती समोर आलेली नाही.
Pagan या एक्स अकाउंटवरून हा व्हिडीओ शेअर करण्यात आला असून या व्हिडीओवर अनेक युजर्सनी संताप व्यक्त केला आहेत.अनेक युजर्सनी यावर प्रतिक्रिया दिल्या आहेत. एका युजरने लिहिलेय, “पावरचा दुरुपयोग करतोय” तर एका युजरने लिहिलेय, “अधिकाऱ्याला निलंबित करायला पाहिजे” आणखी एका युजरने लिहिलेय, “हा माणूस कार चालवत आहे आणि त्याच्या अॅटिट्यूड वरून तो अधिकारी असू शकत नाही”
