Jugaad Viral Video : देसी जुगाडचे एकाहून एक मजेशीर व्हिडीओ सोशल मीडियावर व्हायरल होत असतात. यात काही जुगाड असे भारी असतात की, जे पाहून अनेकजण हैराण होतात. तर काही जुगाड व्हिडीओ लोकांचे चांगलेच मनोरंजन करतात, जे पाहून लोकांना हसू रोखता येणे कठीण होते. यामुळे असे देसी जुगाड व्हिडीओ लोकांच्या चांगलेच पसंतीस पडतात. सध्या असाच देसी जुगाडचा मजेशीर व्हिडीओ सोशल मीडियावर व्हायरल होत आहे. जो पाहून तुम्ही आश्चर्यचकित व्हालच तसेच जोर-जोरात हसण्यासही भाग पाडेल. यातील काकूंचा स्वॅग अगदी पाहण्यासारखा आहे.
व्हायरल व्हिडीओमध्ये तुम्ही पाहू शकता की, एका काकूंनी बाईकवर बसण्यासाठी एक जबरदस्त देसी जुगाड केला आहे. या काकू- काकांसोबत बाईकवरून जात असतात. यावेळी बाईकच्या मागच्या बाजूस भरपूर सामान भरलेले होते. यामुळे काकूंना बसण्यासाठी जागा नव्हती, मात्र काकूंनी डोकं वापरत चक्क बाईकवरील सामानावरचं बसून प्रवास केला. असा प्रवास करणे धोकादायक असले तरी यातील काकूंच्या हिंमतीला दाद दिली पाहिजे. हा जबरदस्त व्हिडीओ आता सोशल मीडियावर तुफान व्हायरल होत आहे. हा व्हिडीओ पाहून काकूंचा स्वॅगचं न्यारा, असे तुम्ही म्हणाल.
काकूंचा हा जुगाड पाहू काहीजण विचारात पडले असतील की, लोकांना अशा आयडीया कशा सुचतात. busa_boy21 नावाच्या इन्स्टाग्राम अकाउंटवर हा व्हिडीओ शेअर करण्यात आला आहे. जो आता लाखो लोकांनी पाहिला आहे. ज्यावर अनेकांनी कमेंट्स देखील केल्या आहेत. एकाने म्हटले की, हे दृश्य भारतातच पाहायला मिळेल. तर काहीजण हा भारत आहे इथे काहीही होऊ शकते असे म्हणत आहेत. त्यामुळे या व्हिडीओने अनेकांचा दिवस आनंदी केला आहे.
