VIDEO: “हे पाहून लग्नावरचा विश्वासच उडाला…” बायकोने नवऱ्याला खोलीत एका महिलेबरोबर पकडलंअन्…, पुढे काय घडलं तुम्हीच पाहा

नात्यात तिसरी व्यक्ती आली की नात आनेकदा बिघडतं. प्रत्येक नात्यात थोडी नाराजी, भांडणं ही होतंच असतात पण, त्यातही एकमेकांना समजून घेणं महत्त्वाचं असतं. पण अशात काही लोक दुसरा पर्याय शोधतात आणि लग्न झालं असूनही अफेअर करतात. सध्या असाच काहीसा प्रकार एका ठिकाणी घडलाय, ज्याचा व्हिडीओ सोशल मीडियावर व्हायरल होतोय. ज्यात एका बायकोने नवऱ्याला त्याच्या प्रेयसीबरोबर रंगेहाथ पकडलं आहे. नेमकं काय घडलं जाणून घेऊ या…

पत्नीने रंगेहाथ पकडलं अन्…

सोशल मीडियावर व्हायरल झालेला हा व्हिडीओ पाहून तुम्हालाही आश्चर्याचा धक्काच बसेल. या व्हिडीओमध्ये बायकोने तिच्या नवऱ्याला दुसऱ्या महिलेबरोबर रंगेहाथ पकडल्याचं दिसून येतंय. एका खोलीत तिचा पती एका महिलेबरोबर असल्याचं दिसून येतंय. बायको नवऱ्याला जाबदेखील विचारताना दिसत आहे. व्हिडीओमध्ये बायको म्हणते, “हीला तुझ्या वडिलांजवळ घेऊन चल. हे दोघं इथे एकत्र राहतायत हे त्यांना पण कळूदे.”

बायको नवऱ्याशी भांडत असताना तोदेखील तिला उलट उत्तर करताना दिसत आहे, तसंच त्याच्याबरोबर असलेली महिलादेखील त्याच्या बायकोला उलट उत्तर करताना दिसतेय.

सोशल मीडियावर व्हायरल झालेला व्हिडीओ @sarcasmicguy या इन्स्टाग्राम अकाउंटवरून शेअर करण्यात आला असून “पत्नीने पतीला दुसऱ्या महिलेसोबत रंगेहाथ पकडले” अशी कॅप्शन व्हिडीओला देण्यात आली आहे.  तसंच हा व्हिडीओ व्हायरल होताच याला 510k व्हयुज आले आहेत. दरम्यान, हा व्हिडीओ नेमका कुठला आहे, हे अद्याप कळू शकले नाही.

युजर्सच्या प्रतिक्रिया

सोशल मीडियावर व्हिडीओ व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “आजकालच्या नात्यांमध्ये हे काय घडतंय” तर दुसऱ्याने “पकडल्यावरही त्याच्यामध्ये आत्मविश्वास काही कमी नाही झाला” अशी कमेंट केली. तर एकाने “आता तर लग्नावरून विश्वासच उडाला आहे” अशी कमेंट केली.