scorecardresearch

Premium

ISRO अध्यक्ष एस. सोमनाथ यांचा महिन्याचा पगार सांगत हर्ष गोएंका यांचे ट्वीट; विचारलं, “हे योग्य आहे का?”

ISRO S.Somnath Salary: गोएंका यांनी गंभीर पोस्ट केली आहे. चांद्रयान ३, आदित्य एल- १ सारख्या मोहिमांच्या पाठीचा कणा असणाऱ्या इस्रोचे अध्यक्ष एस. सोमनाथ यांच्या पगारावरून गोएंका यांनी ‘X’ (पूर्व ट्विटर) वर पोस्ट केली आहे

Harsh Goenka Questions ISRO S Somnath Salary Asks Monthly Is It Fair Janata Party Negative Comments Slammed With Reply
एस सोमनाथ यांच्या आवडीबद्दल लिहीत गोएंका यांनी आपल्या फॉलोवर्सना त्यांना मिळणारा पगार योग्य आहे का, विचारलं आहे. (फोटो: लोकसत्ता ग्राफिक्स टीम)

Harsh Goenka Questions ISRO S. Somnath Salary: RPG ग्रुपचे चेअरमन हर्ष गोएंका सोशल मीडियावर नेहमीच ऍक्टिव्ह असतात. कधी प्रेरणादायी तर कधी मजेशीर पोस्ट टाकून ते फॉलोवर्ससह जोडलेले असतात. यावेळेस मात्र गोएंका यांनी गंभीर पोस्ट केली आहे. चांद्रयान ३, आदित्य एल- १ सारख्या मोहिमांच्या पाठीचा कणा असणाऱ्या इस्रोचे अध्यक्ष एस. सोमनाथ यांच्या पगारावरून गोएंका यांनी ‘X’ (पूर्व ट्विटर) वर पोस्ट केली आहे.

पोस्टमध्ये गोयंका यांनी खुलासा केला की एस सोमनाथ यांना महिन्याला २.५ लाख रुपये पगार मिळतो. एस सोमनाथ यांच्या विज्ञान आणि संशोधनाच्या आवडीबद्दलही लिहीत त्यांनी आपल्या फॉलोवर्सना त्यांना मिळणारा पगार योग्य आहे का? त्यांच्या कामाला न्याय देत आहे का? असा प्रश्न केला आहे.

Jayant Patil on Ajit Pawar comparision to Modi- Shah
‘तुलना कुणाशी करायची, याचं भान…’, अजित पवारांच्या ‘त्या’ दाव्यानंतर जयंत पाटील यांचा टोला
What Jitendra Awhad Said?
“…तर अजित पवार शरद पवारांच्या पायाशी येऊन बसतील”, जितेंद्र आव्हाड यांचं वक्तव्य
Ajit Pawar criticized Sharad Pawar group pune city president Tushar Kamthe
पुणे: अजित पवारांनी शरद पवार गटाचे शहराध्यक्ष तुषार कामठे यांच्यावर केली टीका; म्हणाले, “त्याच्या बापाने बघितलं होतं का…”
Sanjay Raut Post Moris Photo
“अभिषेकचा बळी घेणारा मोरिस चार दिवसांपूर्वीच वर्षा बंगल्यावर, आता फडणवीसांनी…”, संजय राऊत यांची मागणी

हर्ष गोएंका यांनी पोस्टमध्ये लिहिले की, “एस. सोमनाथ यांच्यासारखी मंडळी ही पैशाच्या पलीकडे अनेक गोष्टींनी प्रेरित असतात, त्यांची विज्ञान व संशोधनाची उत्कट आवड व त्याप्रती समर्पण हे थोर आहे. राष्ट्राला अभिमान वाटावा असे त्यांचे काम आहे. त्यांनी देशासाठी काम करत स्वतःचाही हेतू साध्य केला आहे. हे करताना त्यांनी देशाच्या प्रगतीसाठी भरीव योगदान दिले आहे. अशा समर्पित लोकांसमोर मी माझे मस्तक झुकवतो”

हर्ष गोएंका ट्वीट

दरम्यान, गोएंका यांच्या ट्वीटवर जनता पार्टी अशा अकाउंटवरून एक टीका करणारे उत्तर आले होते, यात लिहिलं होतं की, “इस्रोच्या अध्यक्षांना कित्येक हजार कोटींचे बजेट मिळते ज्यात कितीतरी झोल केला जातो. त्यांना अडीच लाख रुपये पगाराची गरजच नाही, मुळात या श्रेणीच्या अधिकाऱ्यांना इतका पगार देण्याची गरजच काय?”

या ट्वीटवर उत्तर देत गोएंका यांनीही खडेबोल सुनावले आहेत, देशाला इतकी प्रतिष्ठा मिळवून देणाऱ्या इस्रोच्या सक्षम आणि प्रामाणिक अध्यक्षावर विनाकारण हल्ला होतो, हे दुर्दैवी आहे. इस्रो हा आपला राष्ट्रीय अभिमान आहे आणि आपण सर्वांनी सोमनाथ आणि त्यांच्या टीमचे कौतुक करायला हवे”

दरम्यान, गोएंका यांच्या ट्वीटवर अनेकांनी अनुमोदन दर्शवले आहे. अडीच लाख काय त्यांना तर २५ लाख पगार द्यायला हवा असेही काहींनी म्हटले आहे. गोएंका यांच्या ट्वीटनंतर काहीच तासात यावर जवळपास आठ लाखाहून अधिक व्ह्यूज, हजारो कमेंट्स व लाखो लाईक्स आल्या आहेत.

गोएंका यांनी मांडलेल्या प्रश्नावर तुमचं मत काय हे सुद्धा कमेंट करून नक्की कळवा

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Harsh goenka questions isro s somnath salary asks monthly is it fair janata party negative comments slammed with reply svs

First published on: 12-09-2023 at 16:58 IST

संबंधित बातम्या

तुम्ही या बातम्या वाचल्या आहेत का? ×