Little Girl Singing Shiv Tandav Stotram : उज्जैनमधील महाकालेश्वरच्या यात्रेसाठी किंवा उत्तराखंडमधील केदारनाथला आशीर्वाद घेण्यासाठी ट्रेक करण्यासाठी भाविक तयारी करत आहे. दरम्यान एका चिमुकल्या शिवभक्ताच्या व्हिडिओने इंटरनेटवर धुमाकूळ घातला आहे. व्हिडिओमध्ये एक लहान मुलगी आपल्या गोंडस आवाजात ‘शिव तांडव स्तोत्र’ गात आहे. तिच्या गोड आवाजाने सर्वांचे मन जिंकले आहे. लोक कमेंटमध्ये व्हिडिओचे कौतुक करत आहेत. हा व्हिडिओ तुमचेही मन जिंकेल.
व्हायरल झालेल्या व्हिडीओमध्ये शाळेचा गणवेश परिधान केलेली एक लहान मुलगी आत्मविश्वासाने आणि उत्साहाने ‘शिव तांडव स्तोत्र’ म्हणत आहे. शिव तांडव हा भगवान शिवाला समर्पित एक शक्तिशाली संस्कृत स्तोत्र आणि बहुतेकदा रावणाला श्रेय दिले जाते. चिमुकली ज्या पद्धतीने शिव तांडव स्त्रो पठण करत आहे ते पाहून नेटकरी थक्क झाले आहेत. ती अचूकपणे आणि अत्यंत स्पष्ट उच्चार करत आहे हे पाहून अनेकजण आश्चर्यचकित झाले आहेत. व्हिडिओ नेटकऱ्यांना खूप आवडला आहे.
या चिमुकलीचे नाव हृदया अरविंद पुरोहित असे असून तिचे वय पाच वर्ष असल्याची माहिती समोर आली आहे.
पाहा Viral Video
सिद्धार्थ जोशी नावाच्या एका वापरकर्त्याने इंस्टाग्रामवर शेअर केलेल्या या व्हिडिओमध्ये मुलीला तिच्या वडिलांनी किंवा शिक्षकांनी मायक्रोफोनपर्यंत पोहोचण्यासाठी धरले आहे असा अंदात व्यक्त केला आहे. तिचे वय कमी असूनही, तिचा आवाज स्पष्ट आणि आत्मविश्वासाने घुमतो. तिच्या कौशल्याने प्रेक्षकांनाही मोहित केले जाते.
सांस्कृतिक मंत्रालयाच्या “एक देश, एक धडकन” (एक राष्ट्र, एक हृदयाचे ठोके) उपक्रमाचा भाग म्हणून आयोजित तिरंगा यात्रेदरम्यान जोधपूरमध्ये हा कार्यक्रम रेकॉर्ड करण्यात आला होता.
नेटिझन्सनी प्रतिक्रिया दिल्या
या महिन्याच्या सुरुवातीला अपलोड केल्यापासून, हा व्हिडिओ व्हायरल झाला आहे, इंस्टाग्रामवर ३२ लाखांहून अधिक लाईक्स आणि १६,००० पेक्षा जास्त कमेंट केल्या आहेत. नेटिझन्सनी या तरुणीच्या गायन आणि भक्तीचे कौतुक केले आहे. अनेक वापरकर्त्यांनी तिच्या गायन ऐकून अंगावर काटा आल्याचे कबूल केले आहे, तर काहींनी “देव तिला आशीर्वाद देवो” असे हृदयस्पर्शी संदेश कमेंटमध्ये लिहिले आहेत.
