बाप रे! एअरपोर्टवरच्या मसाला मॅगीचे बिल पाहून चक्रावली महिला; व्हायरल Photo वर युजर्स म्हणाले, घरून ठेपळे…

मॅगीच्या १९३ रुपयांच्या बिलाच्या व्हायरल फोटोमध्ये आपण पाहू शकतो की, त्यावर पावती क्रमांक आणि बिलाची तारीख आहे. तर मसाला मॅगीचे शुल्क १८४ रुपये आहे. यावर एकूण ९.२० रुपये जीएसटी आकारण्यात आला आहे. यामुळे मॅगीचे एकूण बिल १९३ रुपये झाले आहे. पण ही गोष्ट सोशल मीडिया युजर्सच्या अजिबात पचनी पडलेली नाही. यामुळे युजर्स आता वेगवेगळ्या प्रतिक्रिया देत आहेत. यामुळे काही युजर्सनी विचारले की, मग खरेदी कशाला करायची? यावर महिलेने उत्तर दिले की, मी गेल्या २ तासांपासून उपाशी आहे. त्याचवेळी एका यूजरने कमेंटमध्ये लिहिले की, असे दिसते… ही मॅगी विमानाच्या इंधनापासून बनलेली आहे. तर आणखी एकाने सांगितले की, एअरपोर्टवरील हा सर्वात स्वस्त खाण्याचा पर्याय आहे.

ट्विटरवर हा फोटो (@SejalSud) नावाच्या अकाउंटवर पोस्ट करण्यात आला आहे. ज्याच्या कॅप्शनमध्ये लिहिले आहे की, मी नुकतेच एअरपोर्टवर १९३ रुपयांना मॅगी खरेदी केली. मला यावर काय प्रतिक्रिया द्यावी हे समजत नाही, कोणी मॅगी एवढ्या जास्त किंमतीत का विकेल? या पोस्टला आत्तापर्यंत ९ लाख ७८ हजारांहून अधिक व्ह्यूज आणि तीन हजारांहून अधिक लाईक्स मिळाले आहेत. तसंच शेकडो युजर्सनी प्रश्न विचारला की, मॅगी इतक्या महागात का विकली जात आहे? त्याचवेळी एका यूजरने महिलेला विचारले की, तुम्ही गरीब आहात का? मग घरुन ठेपळा घेऊन जा ना.