भारताचा माजी कर्णधार एम. एस. धोनी अनेकदा कोणत्या ना कोणत्या कारणामुळे चर्चेत येतो. त्यात त्याचे बाइकवरील प्रेम सर्वांनाच ठाऊक आहे. सोशल मीडियावर व्हायरल झालेल्या व्हिडीओतून अनेकदा धोनीसाठी बाइक किती जिव्हाळ्याचा विषय याची प्रचिती येते. इतकेच नाही तर धोनीला आलिशान कारची खूप आवड आहे. अशातच धोनीचा एका आलिशान कार ड्रायव्हिंगचा व्हिडीओ सोशल मीडियावर खूप व्हायरल होत आहे. त्यात धोनी मर्सिडीज बेंझ जी क्लास (Mercedes Benz G Class)मधून सवारी करताना दिसत आहे. या कारची नंबर प्लेट पाहून चाहतेही चकित झाले आहेत. धोनीचा मर्सिडीज कार सवारीचा हा व्हिडीओ आता सोशल मीडियावर वेगाने व्हायरल होत आहे. काही दिवसांपूर्वी धोनीचा टेनिस खेळतानाचा व्हिडीओ खूप व्हायरल झाला होता. धोनी आगामी आयपीएलसाठी सध्या फिटनेसकडे खूप लक्ष देत आहे. त्याबरोबरच तो आपली लाइफदेखील खूप एन्जॉय करताना दिसतोय. याचदरम्यान धोनीचा 'टेनिस पार्टनर' सुमित कुमार बजाजने त्याचा एक व्हिडीओ शेअर केला आहे. हा व्हिडीओ रांचीमधील असल्याचे सांगण्यात येत आहे; ज्यामध्ये धोनी काळ्या रंगाच्या मर्सिडीज कारमध्ये बसला आहे. काळ्या रंगाची SUV मर्सिडीजची किंमत सुमारे ३.३ कोटी रुपये आहे; पण त्याची नंबर प्लेट पाहून चाहतेही चकित झाले आहेत. माहीच्या कारचा क्रमांक 'JH01FB0007' आहे. धोनीचा 7 हा गोल्डन नंबर आहे. तसेच त्याच्या जर्सीचा नंबरही 7 आहे आणि त्यामुळेच त्याने कारची नंबर प्लेटही 07 अशीच घेतली आहे.याआधीही धोनीचा एक व्हिडीओ व्हायरल झाला होता; ज्यामध्ये माही टी-शर्टने फॅनची बाइक साफ करून, ऑटोग्राफ देताना दिसला.
