Pune Viral video: ‘पुणे तिथे काय उणे’ असं पुण्याबाबत नेहमीच म्हटलं जातं, याचा प्रत्यय आज आला. पुणे हे जगात प्रसिद्ध शहर आहे. पुणेकर नेहमीच वेगवेगळ्या कारणांमुळे चर्चेत असतात. इंटरनेटवर अनेक स्टंट व्हिडीओ व्हायरल होत असतात. कधी कोण काय स्टंट करेल याचा काही नेम नाही. अनेक मजेशीर, धोकादायक, विचित्र स्टंट व्हिडीओ पाहायला मिळतात. अशातच यामध्ये आणखी एका व्हिडीओची भर पडली आहे. मात्र, समोर आलेला हा व्हिडीओ स्टंटबाजीचा नाही तर काहीतरी अजबच प्रकार आहे. कारण रविवारी हडपसर परिसरामध्ये चक्क विनाचालक पुणे महानगरपालिकेची गाडी रस्त्यावर उलट्या दिशेने धावताना दिसली. हा व्हिडीओ पाहून नेटकरीही ‘पुणे तिथे काय उणे’ अशा प्रतिक्रिया देत आहेत.
पुणे तिथे काय उणे
गेल्या काही दिवसांपासून पुणे अनेक अपघातांमुळे सतत चर्चेत आहे. आता पुण्यातून अजून एक धक्कादायक आणि अंगावर काटा आणणारी घटना उघडकीस आली आहे. एका वर्दळीच्या महामार्गावर एक टेम्पो, चक्क चालक नसताना उलट्या दिशेने भरधाव जाताना दिसत आहे. या घटनेचा एक व्हिडीओ सोशल मीडियावर व्हायरल होत आहे. ही घटना रविवारी, ४ ऑगस्ट रोजी पुण्यातील हडपसर येथे घडल्याचे सांगण्यात येत आहे. येथील वैदूवाडी उड्डाणपुलावर रविवारी रात्री हा प्रकार समोर आला. सुदैवाने मागून कोणतेही वाहन येत नसल्याने मोठा अनर्थ टळला.
चक्क विना ड्रायव्हर धावली गाडी
व्हायरल व्हिडीओमध्ये गाडीच्या सीटवर कोणीच नसल्याचे दिसत आहे. अशात टेम्पो रिव्हर्स वेगाने जात आहे. काही वेळाने हा टेम्पो रस्त्यावरील दुभाजकावर आदळतो. यात कोणतीही जीवितहानी किंवा दुखापत झाल्याचे वृत्त नाही, मात्र असल्या भयानक प्रकारामुळे पुण्यातील रहिवाशांच्या सुरक्षेचा प्रश्न पुन्हा एकदा ऐरणीवर आला आहे. हा टेम्पो पुणे महानगरपालिकेचे रोड मेंटेनन्स वाहन असल्याचं दिसत आहे.
पाहा व्हिडीओ
हेही वाचा >> VIDEO: पुण्यात लेडीज सीटवरून वाद, महिलेनं हात उचलताच पुरुषही आक्रमक; तुम्हीच सांगा या प्रकारात चूक कुणाची?
नेटकरी संतापले
हा व्हिडीओ सोशल मीडियावर punerifeeds नावाच्या इन्स्टाग्राम अकाउंटवरून शेअर करण्यात आला आहे. यावर नेटकरी वेगवेगळ्या प्रतिक्रिया देत टीकाही करत आहेत. हा व्हिडीओ पाहून तुम्हाला काय वाटतं हे तुम्हीही आम्हाला कमेंट करून कळवा. तर एकानं कमेंट केली आहे की, “हे फक्त पुण्यातच होऊ शकतं. “
