Mumbai Dombivali local viral video: मुंबईत लोकल ट्रेननं प्रवास करणं काही सोपं काम नाही. अन् त्यात जर का तुम्ही महिला डब्यात प्रवास करत असाल तर मग काय विचारायलाच नको. कारण महिला डब्यातही इतकी प्रचंड गर्दी असते की धड मुंगीला सुद्धा पाय ठेवायला जागा मिळत नाही. अशा स्थितीत लोकं बसण्यासाठी नाही तर चक्क उभं राहण्यासाठी सुद्धा हाणामारी करतात. लहानपणी रेल्वेने प्रवास करायला मज्जा वाटायची आता त्याच रेल्वेला दोष देत रोज कामावर जायला लागतं. पण विचार करा.. जर मुंबईत लोकल बंद झाली तर? अहो मग जगणं मुश्कीलच नाही तर, अशक्य होऊन जाईल. असा हा रेल्वेचा प्रवास स्वस्त आणि मस्त. जो प्रवास आपल्या आयुष्याचा महत्त्वाचा भाग आहे. जो रोजच करावा लागतो. तो सुखाचा व्हावा असं वाटणं साहाजिकच आहे. मात्र वेळेत पोहचण्याच्या नादात माणुसकी तर मागे राहत चालली नाही ना? लेडिजच्या डब्यात ‘आपलं ते सुख आणि तेरा तू देख’. असं व्हायला लागलं आहे.
मुंबई लोकल ट्रेनला मुंबईच हृदय म्हणतात. लोकल ट्रेन बंद पडली तर मुंबईच थांबते. अशी ही मुंबईचा जीव असणारी लोकल ट्रेन सध्या वेगळ्याच कारणामुळे चर्चेत आहे. मुंबई लोकलमधील भांडणाचे आणि मारामारीचे सत्र वाढतच चालले आहे. गेल्या काही दिवसांपासून ट्रेनमध्ये झालेल्या मारामारीचे आणि भांडणांचे व्हिडीओ सोशल मीडियावर व्हायरल झाले आहेत. मुंबईतील लोकल ट्रेनमध्ये महिलांमधील हाणामारी काही नवीन नाही. जागेच्या वादातून महिलांमध्ये तुफान मारामारीचे अनेक व्हिडीओ आपण पाहिले आहेत.
सध्या असाच एक मंबईतल्या डोंबिवली लोकलमधला भयानक व्हिडीओ सोशल मीडियावर तुफान व्हायरल झाला आहे. यामध्ये महिलांची हाणामारी आणि आक्रमकता पाहून तुम्हालाही धडकी भरेल. व्हिडीओ पाहून शेवटी तुम्हीच सांगा यामध्ये नेमकी चूक कुणाची आहे.
या व्हिडीओमध्ये तुम्ही पाहू शकता, लोकलमध्ये महिलांच्या डब्यामध्ये प्रचंड गर्दी दिसत आहे. नीट उभं राहायलाही जागा दिसत नाहीये, अशातच काही वेळात तीन महिलांमध्ये तुफान हाणामारी सुरु होते. या मारामारीचं स्वरुप इतकं गंभीर आहे की, यामध्ये एखाद्याचा जीव जाऊ शकतो. यात एका तरुणीला अन् दोन महिला बेदम मारत आहेत. अक्षरश: या एकमेकींचे केस ओढून कानाखाली मारत आहेत, गळा पकडत आहेत. व्हिडिओत तरुणींचा हाणामारी पाहून अन् महिला प्रवाशी त्यांना थांबवण्याच प्रयत्न करत आहेत मात्र काही केल्या त्या ऐकत नाही.
पाहा व्हिडीओ
https://www.instagram.com/reel/DLjaB28JxAk/?utm_source=ig_web_copy_link
दरम्यान, हा व्हिडीओ पाहिल्यानंतर तुमच्याही काळजात धस्स होईल. नेटकऱ्यांना ही घटना अजिबात आवडलेली नाही. त्यांनी यासंबंधीच्या प्रतिक्रिया कमेंट सेक्शनमध्ये नोंदवल्या आहेत. एकानं म्हंटलंय, हे नेहमीचंच आहे तर आणखी एका एका युजरने महिलांच्या हिंसक हाणामारीवर प्रतिक्रिया देत “बापरेजीव घ्यायचा बाकी ठेवला फक्त” अशी प्रतिक्रिया दिलीय.
