त्याची एक चूक अन् चिमुकली आगीत अक्षरश: होरपळली; घरात लहान मुलं असणाऱ्या प्रत्येकानं पाहावा असा VIDEO

सध्या असाच काहीसा प्रकार एका घटनेत घडला आहे, ज्याचा व्हिडीओ सोशल मीडियावर व्हायरल होतोय. या घटनेत अचानक एका ठिकाणी आग लागते आणि त्याचा भडका चिमुकलीच्या अंगावर उडतो. नेमकं काय घडलं ते जाणून घेऊ या…

हेही वाचा… VIDEO: भयंकर अपघातात महिलेसह चिमुकल्याचा ‘असा’ वाचला जीव; बसमध्ये जे घडलं ते पाहून उडेल थरकाप

व्हायरल व्हिडीओ

सोशल मीडियावर व्हायरल झालेला हा व्हिडीओ सध्या चर्चेत आहे. या व्हिडीओमध्ये आपण पाहू शकतो की, घराबाहेरील अंगणात अनेक जण जेवण बनवत असतात. तेवढ्यात एका ठिकाणी अचानक आगीचा भडका उडतो. याच अंगणात समोर एक चिमुकली खेळताना दिसतेय. आगीचा भडका होताच तो थेट चिमुकलीच्या अंगावर येतो. चिमुकलीवर आगीचा भडका उडाल्यावर तिच्या ड्रेसला आग लागते. हे पाहताच आजूबाजूची माणसं लगेच तिच्याजवळ जातात आणि आग विझवत तिला उचलून दुसरीकडे नेतात.

हा व्हिडीओ @nimbahera.update या इन्स्टाग्राम अकाउंटवरून काही तासांपूर्वीच शेअर करण्यात आला असून याला तब्बल २२ लाखांपेक्षा जास्त व्ह्युज आले आहेत. दरम्यान, ही घटना नेमकी कुठे घडली हे अद्याप कळू शकले नाही.

हेही वाचा… रस्त्यात तिला अडवलं अन्…, आधी कानाखाली मारलं मग जमिनीवर आदळलं, दुचाकीस्वाराने केला महिला कॉन्स्टेबलवर हल्ला! पाहा धक्कादायक VIDEO

दरम्यान, हा व्हिडीओ पाहून अनेकांनी यावर धक्कादायक प्रतिक्रिया दिल्या आहेत. एका युजरने कमेंट करत लिहिलं, “लहान मुलीला अशा ठिकाणी खेळायला देणं हेच चुकीचं आहे.” तर दुसऱ्याने, “नशीब त्याने लगेच मुलीला उचललं आणि आग विझवली” अशी कमेंट केली. तर एक जण म्हणाला, “पालक म्हणून मुलांना सुरक्षित वातावरणात ठेवणं त्यांची जबाबदारी आहे.”