scorecardresearch

Premium

“विराट कोहलीच्या रेस्टॉरंटकडून तमिळ संस्कृतीचा अपमान” लुंगी घातलेल्या तरुणाला प्रवेश नाकारला, पाहा Video

हा व्हिडीओ सोशल मीडियावर व्हायरल झाल्यानंतर चाहत्यांनी आता किंग कोहलीला घेरत जोरदार ट्रोल करीत आहेत;

tamilnadu man denied entry to Kohlis restaurant
लुंगी घालून तरुण पोहोचला विराट कोहलीच्या रेस्टॉरंटमध्ये, एन्ट्री न मिळाल्याने झाला वाद; पाहा Video (photo – @Sandy_Offfl twitter)

भारतीय क्रिकेट संघाचा स्टार फलंदाज विराट कोहली आयसीसी वनडे विश्वचषक २०२३ नंतर क्रिकेटमधून विश्रांती घेत आहे. ऑस्ट्रेलियाविरुद्धच्या टी-२० मालिकेतून बाहेर पडल्यानंतर कोहलीला आगामी दक्षिण आफ्रिका दौऱ्यावर मर्यादित षटकांच्या मालिकेतून विश्रांती देण्यात आली आहे. काही वेळ क्रिकेटपासून दूर राहूनही कोहली आता चर्चेत आला आहे. सोशल मीडियावर विराट कोहलीसंदर्भात एक व्हिडीओ खूप व्हायरल होत आहे; ज्यामध्ये असा दावा केला जात आहे की, विराट कोहलीच्या मुंबईतील वन 8 कम्युन या रेस्टॉरंटमध्ये तमिळनाडूतील एका व्यक्तीला प्रवेश नाकारण्यात आला. त्याच्या कपड्यांमुळे हा प्रवेश नाकारण्यात आल्याचा दावा त्याने केला आहे. सोशल मीडियावर त्या तरुणाचा एक व्हिडीओ व्हायरल होत असून, लोक त्यावर विविध कमेंट्स करीत आहेत.

तमिळनाडूचा हा तरुण “वन 8′ रेस्टॉरंटबाहेर उभा राहून व्हिडीओ बनवत आहे. त्याने पांढऱ्या रंगाचा शर्ट आणि पांढरी लुंगी घातली आहे. व्हिडीओमध्ये तो म्हणतोय की, हे जुहू येथील विराट कोहलीचे रेस्टॉरंट आहे. JW मॅरियट जुहू येथे चेन इन केल्यानंतर मी वन 8 कम्युन रेस्टॉरंटमध्ये आलो. प्रसिद्ध ब्रॅण्डचे कपडे घातल्यानंतरही रेस्टॉरंट व्यवस्थापनाने मला प्रवेश दिला नाही आणि मी घातलेले कपडे त्यांच्या ड्रेस कोडमध्ये समाविष्ट नसल्याचे त्यांनी सांगितले आहे.

Ankita lokhande mother reacted on Vicky jain party with girls
लेक घरी नसताना जावयाने गर्ल गँगसह केली पार्टी; अंकिता लोखंडेच्या आई म्हणाल्या, “विकीने त्या सर्वांना…”
13 Notice to central government on doctor plea
१३ डॉक्टरांच्या याचिकेवर केंद्र सरकारला नोटीस
tree-cutting_8b16ee
धक्कादायक! पुण्यात होणार २२ हजार झाडांची कत्तल?
Knife attack on young woman on road in Nalasopara
नालासोपार्‍यात भर रस्त्यात तरूणीवर चाकू हल्ला; प्रेमसंबंध तोडल्याने तरुणाचे कृत्य

व्हिडीओमध्ये तो तरुण पुढे म्हणतो की, “मोठ्या निराशेने मी माझ्या हॉलेटमध्ये परत जात आहे. या प्रकरणी कारवाई होईल की नाही माहीत नाही. पण अशी प्रकरणे पुन्हा होणार नाहीत, अशी आशा करतो. मी योग्य असा तमीळ सांस्कृतिक पोशाख परिधान केला आहे. व्यवस्थापनाने संपूर्ण तमीळ समाजाचा आणि आमच्या संस्कृतीचा अपमान केला आहे.”

मीडिया रिपोर्ट्समध्ये असे म्हटले जात आहे की, “ही व्यक्ती तमीळमधील फेमस सोशल मीडिया इन्फ्लुएन्सर आहे. या व्यक्तीचा व्हिडीओ आतापर्यंत एक मिलियनपेक्षा जास्त वेळा पाहिला गेला आहे.”

हा व्हिडीओ सोशल मीडियावर व्हायरल झाल्यानंतर चाहत्यांनी आता किंग कोहलीला घेरत जोरदार ट्रोल करीत आहेत; तर अनेक लोक या रेस्टॉरंटला पाठिंबाही देत ​​आहेत.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Tamilnadu man wearing lungi denied entry at virat kohlis restaurant in mumbai juhu video viral sjr

First published on: 04-12-2023 at 12:00 IST

संबंधित बातम्या

तुम्ही या बातम्या वाचल्या आहेत का? ×