Viral Video: सोशल मीडियावर विविध विषयांवर आधारित व्हायरल झालेले व्हिडीओ नेहमीच चर्चेत असतात. त्यात बऱ्याचदा प्राण्यांचेदेखील अनेक व्हिडीओ आपल्याला पाहायला मिळतात. प्राण्यांच्या व्हिडीओंमध्ये कधी प्राण्यांचं हिंसक रूप आपल्याला पाहायला मिळते; तर कधी आपल्याला प्राण्यांच्या गमती-जमती दिसतात. सध्या सोशल मीडियावर एक व्हिडीओ समोर आला आहे.
भारतीय लोक गाईला आई मानून, तिची पूजा करतात. त्यामुळे गाईला गोमातादेखील म्हटलं जातं. गाय फक्त तिच्या वासरांनाच नाही, तर माणसांनाही आईसारखा जीव लावताना दिसते. काही वर्षांपूर्वी असाच एक व्हिडीओ व्हायरल झाला होता; ज्यात एक चिमुकला गाईच्या अवतीभोवती खेळताना दिसला होता. पण, हेच पाळीव प्राणी कधी त्यांचं रौद्र रूप दाखवतील हे कोणीही सांगू शकत नाहीत. आतादेखील असाच एक व्हिडीओ व्हायरल होत आहे; ज्यात एक गाय एका महिलेला धडक मारताना दिसत आहे.
या व्हायरल व्हिडीओमध्ये तुम्ही पाहू शकता की, एका अंगणामध्ये काही गाई चारा खात असून, त्या अंगणामध्ये एक महिला बसल्याचे दिसत आहे. यावेळी ती अंगामध्ये बसून कोक पीत आहे. तेवढ्यात तिथे अचानक एक गाय येते आणि त्या महिलेला जोरात धडक मारते. गाईच्या त्या धडकेमुळे ती महिला खूप दूर जाऊन पडते. सध्या हा व्हिडीओ सोशल मीडियावर खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @ilhanatalay_ या अकाउंटवरून शेअर करण्यात आला आहे. त्यावर आतापर्यंत १४ दशलक्षांहून अधिक व्ह्युज आणि १५ हजारांहून अधिक लाइक्स मिळाल्या आहेत. तसेच यावर अनेक जण कमेंट्स करतानादेखील दिसत आहेत.
युजर्सच्या कमेंट्स चर्चेत
या व्हिडीओवर कमेंट करीत एका युजरनं लिहिलंय, “बापरे! खूपच भयानक.” दुसऱ्या युजरनं लिहिलंय, “गाईला नक्की कशाचा राग आला?” आणखी एकानं लिहिलंय, “तिनं नक्की काय केलं गाईला?” आणखी एकानं लिहिलंय, “तिचं काय झालं पुढे…?”
