Viral video: एका ट्रॅकवर जर दोन ट्रेन समोर आल्या तर काय होईल? हा विचार करूनच अंगावर काटा येतो. रेल्वेचे जाळे फक्त भारतातच नाही तर जगभरात आहे. जगातील जास्तीत जास्त देशांच्या आतील राज्य आणि शहरांच्या कनेक्टिव्हिटीसाठी ट्रेन हा सर्वात चांगला ऑप्शन मानतात. देशभरात दररोज १२००० ट्रेन धावतात. यामध्ये मालगाडीचा समावेश केला तर ही संख्या २३००० पेक्षा जास्त होईल. चोवीस तास एवढ्या मोठ्या संख्येत ट्रॅक्सवर ट्रेन धावत असतात. एका एका ट्रॅकवर ट्रेन थोड्या थोड्या अंतरावर धावत असतात. दरम्यान सध्या अशीच एक घटना समोर आली आहे. यामध्ये दोन ट्रेन एकाच रुळावर एकाच वेळी आल्या. सुदैवाने यामध्ये कोणतीही दर्घटना घडली नाही मात्र काहीवेळासाठी प्रवाशांची मात्र तारांबळ उडाली होती. याचा व्हिडीओ सध्या सोशल मीडियावर व्हायरल होत आहे.
या व्हिडीओमध्ये तुम्ही पाहू शकता, दोन ट्रेन समोरामोर उभ्या आहेत. अनेकांनी हे पाहून रुळावर उड्या मारल्या. दोन ट्रेन अगदी थोड्याच अंतावर एकाच रुळावर समोरासमोर उभ्या आहेत. हा गोंधळ कशामुळे आणि कसा झाला याबाबत अजूनही ठोस माहिती मिळाली नाहीये. दोन्ही गाड्या एकाच प्लॅटफॉर्मवर आल्याने काही वेळेसाठी गोंधळ उडाला. दरवाज्यात उभे असलेल्या प्रवाशांना समोर उभी असलेली रेल्वे दिसल्याने त्यांच्या काळजाचा ठोका उडाला. काय होतेय कोणालाच कळत नव्हते. सुदैवाने कोणताही अपघात झाला नाही. यात कोणाची चुकी होती याची चौकशी रेल्वे विभागाकडून सुरु करण्यात आली असल्याची माहिती समोर येत आहे
पाहा व्हिडीओ
हेही वाचा >> पोटासाठी चिमुकल्याचा संघर्ष! एकीकडे अभ्यास दुसरीकडे चुलीवरची भाकरी; VIDEO पाहून तुमच्याही डोळ्यात येईल पाणी
@saurabhyatra या इन्स्टाग्राम अकाऊंटवर हा व्हिडीओ पोस्ट करण्यात आला आहे. लोको पायलटने समजूतदारपणा दाखवत ट्रेन थांबवली आणि मोठी दुर्घटना होण्यापासून वाचली. त्याचवेळी त्याच रुळावरून ट्रेन जात असल्याचे पाहून ट्रेनमध्ये बसलेल्या प्रवाशांमध्ये एकच खळबळ उडाली आणि लोक ट्रेनमधून उतरून रेल्वे रुळाच्या बाजूला पळू लागले.
