Viral Video: सोशल मीडियावर नेहमीच आपण विविध व्हिडीओ व्हायरल झालेले पाहतो. त्यात काही व्हिडीओ मनोरंजन करण्याच्या हेतूने बनवले जातात तर काही व्हिडीओ माहिती देणारेदेखील असतात. सध्या पावसाळ्याचे दिवस सुरू असून या काळात पावसाचे विविध व्हिडीओ मोठ्या प्रमाणात व्हायरल होत आहेत. तसेच बऱ्याच ठिकाणी लग्नसराईदेखील सुरू आहे. त्यामुळे लग्नातील विविध व्हिडीओदेखील खूप चर्चेत आहेत. एका लग्नातील एक व्हिडीओ नुकताच सोशल मीडियावर व्हायरल होतोय; ज्यात एक परदेशी तरुण भारतीय तरुणीसह विवाहबद्ध झाल्याचे दिसत आहे.
हल्ली परदेशातील अनेक तरुण-तरुणींमध्ये भारतीय तरुण-तरुणींबरोबर लग्न करताना दिसतात. सोशल मीडियावर अशा लग्नांचे अनेक फोटो आणि व्हिडीओ व्हायल झालेले आपण पाहिलेच असतील. आता असाच एक व्हिडीओ सोशल मीडियावर मोठ्या प्रमाणात व्हायरल होतोय, जो पाहून तुम्हीदेखील या जोडीचे कौतुक कराल.
नक्की काय पाहिलं व्हिडीओमध्ये? (Viral Video)
या व्हिडीओमध्ये तुम्ही पाहू शकता, एक भारतीय तरुण आणि परदेशी तरुण लग्न करण्यासाठी भारतात आले आहेत. यावेळी त्या दोघांनी दक्षिण भारतीय पारंपरिक लूक केलेला दिसत आहे. या व्हिडीओमध्ये पहिल्यांदा तरुणीने घागरा घातला असून तरुणाने शेरवानी घातली आहे. त्यानंतर तरुणीने साडी नेसून साऊथ इंडियन लूक केलेला आहे. तसेच, तरुणाने शर्ट आणि लुंगी नेसल्याचे दिसत आहे. या लूकमध्ये दोघेही खूप सुंदर दिसत आहेत.
हा व्हिडीओ इन्स्टाग्रामवरील @saji_makeupmagician या अकाउंटवर शेअर करण्यात आला असून या व्हिडीओला आतापर्यंत जवळपास चार मिलियनहून अधिक व्ह्युज मिळाल्या असून यावर आतापर्यंत दोन लाखाहून अधिक लाइक्स मिळाल्या आहेत. तसेच अनेक जण या व्हिडीओवर कमेंट्स करताना दिसत आहेत.
पाहा व्हिडीओ:
युजर्सच्या कमेंट्स चर्चेत (Viral Video)
या व्हिडीओवर एकाने लिहिलेय, “सक्सेसफुल तरुणी” तर दुसऱ्या व्यक्तीने लिहिलंय, “प्रत्येक मुलीचं स्वप्न.” तर तिसऱ्या युजरने लिहिलेय, “हा जोडीदार देवानेच तुझ्यासाठी निवडला आहे.” चौथ्या युजरने लिहिलेय, “तुम्ही दोघेही आयुष्यभर एकत्र राहा.” तर आणखी एकाने लिहिलेय, “चेन्नई ते कोरिया सुंदर प्रवास.”
