नाद खुळा! जिल्हा परिषदेच्या शाळेतील विद्यार्थ्यांचा गावच्या यात्रेतील डीजेवर जबरदस्त डान्स; VIDEO पाहून युजर्स म्हणाले, ‘शाळा असावी तर…”

शाळा म्हटलं की, आपल्या अनेक जुन्या आठवणी ताज्या होतात. शाळेतले दिवस कधीही न विसरण्यासारखे असतात. शाळेत केलेला अभ्यास, मजा-मस्ती, भांडणं नेहमीच प्रत्येकाच्या आठवणीत घर करून राहतात. शाळेतल्या गोड गमती-जमती आणि मित्र-मैत्रिणी, शिक्षकांनी शिकवलेल्या कविता, गोष्टी नेहमीच आपल्या स्मरणात असतात. हल्ली गावाकडच्या जिल्हा परिषदेच्या शाळेतील अनेक व्हिडीओ व्हायरल होत असतात. नुकताच काही दिवसांपूर्वी एक व्हिडीओ व्हायरल झाला आणि त्यामध्ये काही विद्यार्थी चिमणा-चिमणीचे लगीन या गाण्यावर नाचताना दिसले होते. दरम्यान, आता व्हायरल होत असलेल्या व्हिडीओतील विद्यार्थी चक्क शाळेच्या ग्राऊंडबाहेर उभे राहून यात्रेतील डीजेच्या तालावर नाचताना दिसत आहेत.

नक्की काय घडलं व्हिडीओमध्ये?

हा व्हिडीओ कोल्हापूरमधील एका गावातील जिल्हा परिषदेच्या शाळेतील असून, या व्हायरल व्हिडीओमध्ये तुम्ही पाहू शकता की, शाळेच्या बाजूला गावची यात्रा सुरू असलेल्या दिसत आहे. यावेळी त्या ठिकाणी डीजेदेखील लावण्यात आला आहे. या डीजेच्या तालावर शाळेतील विद्यार्थी शाळेच्या ग्राऊंडवर नाचताना दिसत आहेत. यावेळी त्यांचे शिक्षकदेखील त्यांच्याबरोबर नाचण्यात सहभागी झाले आहेत.

हा व्हिडीओ इन्स्टाग्रामवरील @ichalkaranji_sound09 या अकाउंटवरून शेअर करण्यात आला आहे. त्यावर आतापर्यंत सात दशलक्षांहून अधिक व्ह्यूज आणि सात लाखांहून अधिक लाइक्स मिळाल्या आहेत. तसेच त्यावर अनेक युजर्स कमेंट्सदेखील करीत आहेत.

हेही वाचा: थरारक! स्वयंपाकघराच्या छतावर लपला भलामोठा नाग; VIDEO पाहून अंगावर येईल काटा

पाहा व्हिडीओ:

युजर्सच्या कमेंट्स चर्चेत

या एका युजरनं लिहिलंय, “आज जो विद्यार्थी शाळेत गेला नसेल, त्यानं खूप काही मिस केलं.” दुसऱ्या युजरनं लिहिलंय, “लाईकचं बटन आहे तिथे मुलगा नाचतोय तो पाहा.” तिसऱ्या युजरनं लिहिलंय, “संपला विषय.” आणखी एका युजरनं लिहिलंय, “शाळा हवी तर अशी.”