आंतरराष्ट्रीय आणि देशपातळीवर खळबळ माजवणाऱ्या पनामा पेपर्सनंतर आता आणखी एक प्रकरण उजेडात आले आहे. सध्या ‘बहामस लीक्स’ नावाने गाजत असलेल्या या गोपनीय कागदपत्रांमध्ये अनेक भारतीय व्यक्तींच्या नावाचा समावेश असल्याने पुन्हा एकदा वाद निर्माण होण्याची शक्यता आहे. ‘टॅक्स हेवन’ अशी ख्याती असलेल्या कॅरेबियन बेटांवर नोंदणी झालेल्या कंपन्यांच्या १,७५,००० कागदपत्रांतील गोपनीय माहिती बहामस लीक्स अंतर्गत जगासमोर आली आहे.