निवडणूक निकाल पडद्यावर दाखविण्याची व्यवस्था

महापालिका निवडणुकीचे निकाल धुळेकरांना सहजगत्या उपलब्ध व्हावेत यासाठी महापालिकेत पडद्यावर दाखविण्याची व्यवस्था प्रशासनाकडून करण्यात येत असल्याची माहिती अतिरिक्त आयुक्त के. व्ही. धनाड यांनी दिली आहे. मतमोजणी १६ डिसेंबर रोजी शासकीय हिरे वैद्यकीय महाविद्यालयात होणार आहे. सकाळी नऊ वाजता मतमोजणीला सुरुवात होईल. मतमोजणीची व्यवस्था शहरापासून लांब करण्यात आल्यामुळे मतमोजणीच्या ठिकाणीही पडदा लावण्यात येणार आहे. ध्वनिक्षेपकाव्दारेही निकाल सांगण्यात येणार आहेत.