“मराठा आरक्षणाच्या शासन निर्णयात गरज असल्यास बदल करू”, विखे-पाटलांनी शब्द दिल्याचा मनोज जरांगेंचा दावा

आंतरवली सराटीसह मुंबईत आंदोलन करून जेव्हा येता तेव्हा अभ्यासक हाती काही लागलेच नाही, असे सांगतात. असे का होते, यावर प्रतिक्रिया देताना जरांगे म्हणाले, मी सर्वांना बरोबर घेऊन जाण्याचा प्रयत्न करतो. काही कार्यकर्ते यांचा अभ्यास चांगला आहे, असे सांगतात. त्यांना विचारात घेतो. पण नंतर ते टांग देतात. पण मी ज्यात लक्ष घालतो ते काम सरकारकडून पूर्ण करून घेतले आहे. त्यामुळे मराठवाड्यातील सर्वांना ओबीसीतून आरक्षण लागू होईलच, असे जरांगे म्हणाले.

मुंबईतील आंदोलन आम्ही शांततेत केले. जे अभ्यासक संभ्रम निर्माण करत आहेत ते आंदोलनादरम्यान कोठे होते, असा प्रश्नही त्यांनी केला. दरम्यान, मराठा आंदोलनातील कार्यकर्ते शिवानंद भानुसे यांनी राज्य सरकारच्या या निर्णयाचा मराठा समाजास काही एक लाभ होणार नाही, असे ते म्हणाले.