Activa, Jupiter समोर तगडं आव्हान; ब्लूटूथ कनेक्टिव्हिटीसह देशात आली हिरोची नवी स्कूटर, ८० हजारांहून कमी किंमत | Hero Introduces Pleasure Plus Xtec Sports Variant

हिरो मोटोरकाॅर्पने भारतीय बाजारपेठेत मोठा धमाका केला आहे. ८० हजारापेक्षाही कमी किमतीत कंपनीने नवी स्कूटर देशातील बाजारात दाखल केली आहे.

Hero Pleasure Plus Xtec Sports लाँच (Photo-Hero MotoCorp)

जगातील सर्वात मोठी दुचाकी निर्मिती करणारी कंपनी हिरो मोटोरकाॅर्प आपल्या नवनवीन दुचाकी भारतीय बाजारपेठेत दाखल करत असते. हिरो मोटोरकाॅर्पच्या बाईक आणि स्कूटरला लोकांची पसंतीही खूप मिळत असते. दर महिन्याला सर्वाधिक विक्री होणाऱ्या दुचाकींच्या यादीत नेहमीच हिरो मोटोरकाॅर्प अव्वल स्थानावर असते. या कंपनीच्या दुचाकी लुक, डिझाईन, फिचर्स, मायलेज आणि परवडणाऱ्या किमतीत मिळत असल्याने विक्री मोठ्या प्रमाणावर होत असते. हिच विक्री पाहून कंपनी नवनवीन दुचाकी देशात लाँच करत असते. आता पुन्हा एकदा हिरो मोटोरकाॅर्पने भारतीय बाजारपेठेत मोठा धमाका केला आहे. ८० हजारापेक्षाही कमी किमतीत कंपनीने नवी स्कूटर देशातील बाजारात दाखल केली आहे.

हिरो मोटोरकाॅर्पने एक नवी स्कूटर आणली आहे. Hero Pleasure Plus Xtec Sports ही स्कूटर कंपनीने लाँच केली आहे. Hero MotoCorp ने नवीन Xtec Sports प्रकार सादर करून Pleasure Plus लाइनअपचा विस्तार केला आहे. Xtec स्पोर्ट्सला एक वेगळा लूक देण्यासाठी याला नवीन पेंट स्कीम देण्यात आली आहे. ज्या रायडर्सना स्पोर्टी स्टाइल स्कूटर हवी आहे त्यांच्यासाठी हे खास आहे.

या स्कूटरमध्ये निळा हा प्राथमिक रंग आहे. याशिवाय, या प्रकाराला नेहमीच्या मॉडेल्सपेक्षा वेगळे करण्यासाठी, नारिंगी पिनस्ट्राइप्स आणि बॉडी कलरची ग्रॅब रेल आणि चाकांमध्ये मिरर देण्यात आले आहेत. तथापि, नवीन स्वरूपाव्यतिरिक्त, Xtec Sports तांत्रिकदृष्ट्या इतर Xtec प्रकारांसारखेच आहे. यात ११०.९cc इंजिन आहे जे ८bhp पॉवर आणि ८.७Nm टॉर्क जनरेट करते. CVT ट्रान्समिशन येथे उपलब्ध आहे. ही स्कूटर हलकी आहे. वजन १०६ किलो आहे. त्याची इंधन टाकीची क्षमता ४.८ लीटर आहे.

(हे ही वाचा : बाकी कंपन्यांचे धाबे दणाणले, Kia ने सर्वाधिक विक्री होणाऱ्या कारचे आणले २ नवे व्हेरिएंट, किंमत…)

यात १०-इंच चाके, एक मोनोशॉक आणि दोन्ही टोकांना ड्रम ब्रेकसह एकत्रित ब्रेकिंग सिस्टम आहे. Pleasure Plus Xtec Sports मध्ये सेमी-डिजिटल कन्सोल देण्यात आला आहे. जे एलसीडी स्क्रीनवर कॉल आणि एसएमएस प्राप्त करण्यासाठी ब्लूटूथ कनेक्टिव्हिटीसह सुसज्ज आहे. या मॉडेलमध्ये अद्वितीय प्रोजेक्टर एलईडी हेडलॅम्प आहे.

This quiz is AI-generated and for edutainment purposes only.

Hero Pleasure Plus Xtec Sports या नवीन मॉडेलची किंमत ७९ हजार ७३८ रुपये (एक्स-शोरूम, दिल्ली) ठेवण्यात आली आहे.

First published on: 28-03-2024 at 14:47 IST

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Hero has launched the pleasure plus xtec sports variant offering a sporty twist to its popular scooter lineup pdb