भारतीय लोक ‘या’ चार इलेक्ट्रिक बाईकच्या प्रेमात; काय लूक, काय फीचर्स, जाणून घ्या किंमत

‘या’ आहेत चार इलेक्ट्रिक बाईक

• Torque Kratos

Torque Motors ने भारतात नवीन इलेक्ट्रिक मोटरसायकल Kratos लाँच केली आहे. दिल्लीत या ई-बाईकची एक्स-शोरूम किंमत १.२ लाख रुपये आहे. कंपनीने ही बाईक दोन प्रकारात उपलब्ध केली आहे. Kratos ला वेगळ्या प्रकारची इलेक्ट्रिक मोटर मिळते जी ७.५ kW पॉवर आणि २८ Nm पीक टॉर्क जनरेट करते. यामुळेच ही बाईक अवघ्या ४ सेकंदात 0-40 किमी/ताशी वेग पकडू शकते. स्टँडर्ड मॉडेलच्या तुलनेत त्याची टॉप स्पीड १०५ किमी प्रतितास आहे.

• HOP OXO Electric Motorcycle

१.२५ लाखाच्या सुरुवातीच्या किंमतीत येणारी, HOP OXO इलेक्ट्रिक मोटरसायकल पॉवरट्रेन म्हणून मागील चाक आरोहित हब मोटरचा वापर करते. या बाइकची लांबी २१०० मिमी, रुंदी ७९३ मिमी आणि उंची १०६५ मिमी इतकी आहे. तर बाइकचा ग्राऊंड क्लीअरन्स १८० मिमी इतका आहे. बाइकची सीट ७८० मिमी उंच आहे. नॉर्मल चार्जरने ही बाइक ८० टक्के चार्ज करण्यासाठी ४ तास लागतात. तर ५ तासात बाइक पूर्ण चार्ज होते. तर यातली पोर्टेबल बॅटरी चार्ज करण्यासाठी ७५ मिनिटे लागतात. या बाइकचा टॉप स्पीड ९० किमी प्रति तास इतका आहे. ही बाइक ४ सेकंदात ० ते ४० किमी प्रति तास इतका वेग धारण करू शकते.

(आणखी वाचा : नवीन गाडी आत्ताच खरेदी करू नका; पुढील वर्षांत १० लाखांच्या आत लाँच होतायत ‘या’ दमदार फीचर्ससह कार, पाहा यादी)

• Komaki Ranger

१.६८ लाख रुपयांच्या सुरुवातीच्या किमतीत येत असलेल्या या इलेक्ट्रिक बाइकची रेंज १८०-२२० किमी आहे. ही मोटरसायकल शायनिंग क्रोम एलीमेंट्ससह येते. तसेच यामध्ये रेट्रो थीमचा राउंड एलईडी लॅम्प वापरण्यात आला आहे. या बाईकमध्ये एक हँडल देण्यात आले आहे. तसेच सिंगल पॉड इन्स्ट्रुमेंट क्लस्टर देण्यात आलं आहे. तसेच, या बाईकचं डिझाईन बजाज अॅव्हेंजरसारखे दिसते. कंपनीने आधीच दावा केला आहे की ही रेंजर इलेक्ट्रिक क्रूझर मोटरसायकल ४ kWh बॅटरी पॅकसह येते, जी ५०००W मोटरला पॉवर देते.

• Revolt RV400

९०,७९९ रुपयांच्या सुरुवातीच्या किमतीत येणाऱ्या या बाईकमध्ये ३.२४kWh लिथियम-आयन बॅटरी मिळते, जी ३ kW इलेक्ट्रिक मोटरला सामर्थ्य देते. कंपनीचा दावा आहे की ही, मोटरसायकल एकाच चार्जवर १५६ किमीपर्यंत ड्रायव्हिंग रेंज देते. RV400 बाइकचं वजन १०८ किलोग्रॅम असून चांगल्या हँडलिंगचा अनुभव मिळावा यासाठी कंपनीने तीन रायडिंग मोड्स दिलेत. यामध्ये ECO, Normal आणि Sport अशा तीन रायडिंग मोड्सचा समावेश आहे. ECO मोडमध्ये ४५ Kmph चा टॉप स्पीड आणि १५६ km रेंज मिळते. तर, Normal मोडमध्ये ६५Kmph चा टॉप स्पीड आणि ११० km रेंज मिळेल.