महिंद्राने आपल्या पाच इलेक्ट्रिक कार लॉंच करण्याची घोषणा केली आहे, त्यापैकी कंपनी ८ सप्टेंबर रोजी आपली पहिली इलेक्ट्रिक SUV लॉंच करणार आहे. महिंद्रा जी इलेक्ट्रिक SUV लाँच करत आहे तिचे नाव Mahindra XUV400 आहे.
रिपोर्ट्सनुसार, महिंद्रा XUV400 ही कंपनीच्या विद्यमान कॉम्पॅक्ट SUV XUV300 ची अपडेटेड वर्जन आहे, जी इलेक्ट्रिक अवतारात सादर केली जात आहे. या इलेक्ट्रिक एसयूव्हीमध्ये कंपनी मोठ्या रेंजसह हाय-टेक फीचर्स आणि स्पेसिफिकेशन्स देखील जोडत आहे.
Mahindra XUV400 Design and Exterior
कंपनी ८ सप्टेंबर रोजी Mahindra XUV 400 लाँच करत आहे, परंतु त्यापूर्वी ही इलेक्ट्रिक SUV 2020 ऑटो एक्सपोमध्ये शोकेस करण्यात आली आहे. या इलेक्ट्रिक एसयूव्हीची रचना XUV300 सारखीच आहे, जी पेट्रोल-डिझेल एसयूव्हीचा अनुभव देते.
आणखी वाचा : केवळ १५ हजारात मिळतेय Hero HF 100 बाईक, वाचा ऑफर
महिंद्राने या इलेक्ट्रिक एसयूव्हीच्या पुढील भागात नवीन डिझाइन बंपर, नवीन डिझाइन केलेले फ्रंट ग्रिल, एलईडी डीआरएल, नवीन डिझाइन हेडलॅम्प आणि टेल लॅम्प दिले आहेत. यासोबतच महिंद्राच्या नवीन लोगोचे बॅजिंग त्याच्या पुढील ग्रिल आणि टेल गेटवर उपलब्ध असेल.
Mahindra XUV400 Interior
महिंद्राने ही XUV 400 हाय-टेक केवळ बाहेरूनच नाही तर आतूनही बनवली आहे, ज्यामध्ये कंपनीने आपले नवीन तंत्रज्ञान Adreno X Connected Car Artificial Intelligence Technology वापरले आहे.
आणखी वाचा : केवळ १० हजार डाउन पेमेंट करून खरेदी करा Honda SP 125 Disc व्हेरिएंट, जाणून घ्या EMI
या इलेक्ट्रिक SUV मध्ये १०.२५ इंचाची फुल टच स्क्रीन स्मार्टप्ले इन्फोटेनमेंट सिस्टम मिळेल, अशी चर्चा आहे. याशिवाय लेव्हल 2 ADAS अॅडवान्स सेफ्टी फीचर व्यतिरिक्त इतर अनेक नवीन फीचर्स प्रदान करणार आहे.
Mahindra XUV400 Battery and Power
महिंद्राने या XUV 400 च्या बॅटरी पॅक आणि पॉवरबद्दल कोणतीही माहिती दिलेली नाही. पण रिपोर्ट्सनुसार, कंपनी या SUV मध्ये LG Chem ची हाय एनर्जी डेन्सिटी NMC बॅटरी वापरणार आहे, जी या सेगमेंटमधील कारमध्ये प्रथमच दिली जात आहे.
Mahindra XUV400 Range
कंपनीने अद्याप Mahindra XUV 400 च्या रेंजचा खुलासा केलेला नाही, पण रिपोर्ट्सनुसार, ही इलेक्ट्रिक SUV एकदा पूर्ण चार्ज केल्यानंतर ४०० किमीची रेंज देईल.
Mahindra XUV400 Rivals
८ सप्टेंबर रोजी लॉंच झाल्यानंतर जेव्हा ती बाजारात येईल, तेव्हा ही इलेक्ट्रिक SUV Tata Nexon, Hyundai Kona आणि MG MZ EV सारख्या इलेक्ट्रिक SUV कारशी स्पर्धा करण्यासाठी सज्ज होईल.
