News Flash

हावडा येथील सांतरागाछी पुलावर चेंगराचेंगरी, २ ठार १४ जखमी

जखमींवर रूग्णालयांमध्ये उपचार सुरु आहेत, तसेच हेल्पलाइन क्रमांकही जारी करण्यात आले आहेत

फोटो सौजन्य-एएनआय

हावडा येथील सांतरागाछी पुलावर चेंगराचेंगरी झाली आहे. या घटनेत १४ जण जखमी झाल्याचे वृत्त समोर येते आहे. आज संध्याकाळी सहाच्या सुमारास सांतरागाछी येथील रेल्वेच्या पादचारी पुलावर चेंगराचेंगरी झाली. या घटनेत २ जण ठार तर १४ जण जखमी झाल्याचे वृत्त एएनआय या वृत्तसंस्थेने दिले आहे. पश्चिम बंगाल येथील हावडा भागात असलेल्या सांतरागाछी या ठिकाणी ही दुर्घटना घडली आहे. सांतरागाछी फूटब्रिज चेंगराचेंगरीमध्ये जखमी झालेल्या रूग्णांना रूग्णालयात दाखल केले जाते आहे. रेल्वेने ०३२२२१०७२ आणि ०३३२६२९५५६१ हे हेल्पलाइन क्रमांकही जारी केले आहेत. या पादचारी पुलावर खचाखच गर्दी झाली होती. त्यामुळे झालेल्या चेंगराचेंगरीत १ जण ठार तर १४ जण जखमी झाल्याचे वृत्त समोर आले आहे.

पश्चिम बंगालच्या मुख्यमंत्री ममता बॅनर्जी यांनी मृताच्या नातेवाईकांना पाच लाखांची तर जखमींना १ लाखांची मदत जाहीर केली आहे. सांतरागाछी या ठिकाणी झालेल्या या घटनेत चेंगराचेंगरी झाली. मोठ्या प्रमाणावर गर्दी झाल्याने ही घटना घडली. ही घटना अत्यंत दुर्दैवी असल्याचं ममता बॅनर्जी यांनी म्हटलं आहे.

रेल्वे ही देशाची लाइफलाइन आहे, मी या घटनेसाठी रेल्वेला दोष देणार नाही. मात्र चेंगराचेंगरी होईल एवढी गर्दी होती तर ही गर्दी हटवण्याचे काम रेल्वेमार्फत का करण्यात आले नाही असा प्रश्न पश्चिम बंगालच्या मुख्यमंत्री ममता बॅनर्जी यांनी विचारला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 23, 2018 9:23 pm

Web Title: 1 dead in the stampede following rush of passengers on a footbridge at santragachhi junction in howrah around 6 pm today
Next Stories
1 मुलीलाही सैन्यातच पाठवणार, शहीद जवानाच्या पत्नीचा निर्धार!
2 मार्च २०१९ पर्यंत गंगा नदी ८० टक्के स्वच्छ होणार, नितीन गडकरींचा दावा
3 मोदींनी CBI, RAW प्रमुखांना आपल्या निवासस्थानी का बोलावलं, काँग्रेसचा सवाल
Just Now!
X