उत्तराखंडमधील जोशी मठाजवळ आज (रविवार) सकाळी भयंकर दुर्घटना घडली. चमोली जिल्ह्यातील रैनीत येथील जोशी मठ परिसरात हिमकडा कोसळला असून, धौलीगंगा नदीवरील ऋषी गंगा पॉवर प्रोजेक्टचं मोठं नुकसान झालं आहे. धरण फुटल्यानं धौलीगंगेच्या पाणीपातळी प्रचंड वाढ झाल्याने परिसरात जलप्रलय आला. त्यामुळे नदीकाठावर असलेल्या घरांना याचा तडाखा बसला आहे. शिवाय, आतापर्यंत सात मृतदेह हाती लागले असून, अद्यापही १७० जण बेपत्ता आहेत. दरम्यान, बचाव कार्य युद्धपातळीवर सुरू असून, आयटीबीपीच्या जवानांना १६ जणांचा जीव वाचवण्यात यश आलं आहे. #UPDATE I Seven people have died, six injured and around 170 are missing after the Uttarakhand flood incident today: State Disaster Management Center — ANI (@ANI) February 7, 2021 आयटीबीपीच्या जवानांनी तपोवन येथील २५० मीटर लांब बोगद्यात फसलेल्या १६ जणांचा जीव वाचवला आहे. याशिवाय अन्य ठिकाणी अडकलेल्या नागरिकांना देखील वाचवण्याचं काम जवानांकडून सुरू आहे. Uttarakhand: ITBP personnel carried rescued persons on stretchers to the nearest road; all 16 people who were trapped in a tunnel near Tapovan in Chamoli were rescued earlier today. pic.twitter.com/PDQHsNHO2O — ANI (@ANI) February 7, 2021 तर, केंद्रीयमंत्री रमेश पोखरियाल यांनी याबाबत ट्वटिद्वारे माहिती देताना सांगितलं की, हिमकडा कोसळल्याने घडलेल्या प्रकोपात आयटीबीपीच्या जवानांनी चमोली-तपोवनच्या एका बोगद्यात अडकलेल्या १६ जणांना सुखरुप बाहेर काढलं आहे. या संकटात अडकलेल्यांना वाचवण्यासाठी व दिलासा देण्यासाठी राज्य व केंद्र सरकारच्या सर्व संस्था सर्वोतोपरी कार्य करत आहेत. ग्लेशियर टूटने से हुए प्रकोप के बीच @ITBP_official के जवानों ने चमोली - तपोवन की एक सुरंग में फंसे 16 लोगों का जीवन बचा लिया है। प्रभावितों के राहत एवं बचाव हेतु राज्य एवं केंद्र की सभी एजेंसियां पूर्ण तत्परता और मुस्तैदी से कार्य कर रही हैं। — Dr. Ramesh Pokhriyal Nishank (@DrRPNishank) February 7, 2021 उत्तराखंडचे मुख्यमंत्री त्रिवेंद्र सिंह रावत यांनी सांगितल्यानुसार, जवळपास १२५ जण बेपत्ता असून, शोध व बचावकार्य युद्धपातळीवर सुरू आहे. उत्तराखंड राज्य सरकारकडून मृतांच्या कुटुंबास चार लाखांची मदत जाहीर करण्यात आली असल्याची माहिती, मुख्यमंत्री रावत यांनी दिली आहे. तर, केंद्र सरकारकडून दोन लाखाची मदत जाहीर करण्यात आलेली आहे.