News Flash

PNB घोटाळ्यात सीबीआयकडून आणखी एक आरोपपत्र, मेहुल चोक्सीही वॉन्टेड आरोपी

नीरव मोदीपाठोपाठ मेहुल चोक्सीही वॉन्टेड

मेहुल चोक्सी (संग्रहित छायाचित्र)

पंजाब नॅशनल बँकेच्या घोटाळ्यात सीबीआयने आता दुसरे आरोपपत्र दाखल केले आहे. या आरोपपत्रात नीरव मोदीचा मामा मेहुल चोक्सी याला वॉन्टेड आरोपी म्हणून जाहीर करण्यात आले आहे. सीबीआयने या घोटाळा प्रकरणात आणखी एक १२ हजार पानी चार्जशीट दाखल केली आहे. यामध्ये नीरव मोदीपाठोपाठ मेहुल चोक्सीलाही वॉन्टेड म्हणून जाहीर करण्यात आले आहे.

दरम्यान याआधी पंजाब नॅशनल बँकेतील घोटाळ्याप्रकरणी सीबीआयने सोमवारीही आरोपपत्र दाखल केले. बँकेच्या तत्कालीन प्रमुख आणि अलाहाबाद बँकेच्या विद्यमान व्यवस्थापकीय संचालक उषा अनंतसुब्रमण्यम यांचा देखील या घोटाळ्यात सहभाग असल्याचे आरोपपत्रात म्हटले आहे. आरोपपत्रात नीरव मोदी, त्याचा भाऊ निशाल मोदी, सुभाष परब यांच्या घोटाळ्यातील सहभागाबाबत सविस्तर माहिती देण्यात आली. मात्र मेहुल चोक्सीचे नाव त्या चार्जशीटमध्ये कुठेही नव्हते. आता दुसऱ्यांदा दाखल करण्यात आलेल्या चार्जशीटमध्ये मेहुल चोक्सीचे नाव वॉन्टेड आरोपी म्हणून जाहीर करण्यात आले आहे. उषा अनंतसुब्रमण्यन २०१५ ते २०१७ या कालावधीत पीएनबीच्या व्यवस्थापकीय संचालक आणि मुख्य कार्यकारी अधिकारी म्हणून कार्यरत होत्या. या प्रकरणात त्यांची चौकशी देखील झाली आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 16, 2018 3:34 pm

Web Title: cbi files second charge sheet of 12000 pages mumbais special cbi court mehul choksi named as wanted in it
Next Stories
1 नियतीचा अजब खेळ: त्या भाजपा नेत्याला २२ वर्षांनी मिळाली देवेगौडांचा हिशोब चुकता करण्याची संधी
2 शोभा डेंची टिवटिव, म्हणे कर्नाटकच्या चमचा राज्यपालाकडे इतका महत्त्वाचा निर्णय का?
3 आमदार मिळतील का आमदार? फ्लिपकार्ट, अॅमेझॉनवर कर्नाटकचे पडसाद
Just Now!
X