मध्य प्रदेशात अलीकडेच पार पडलेल्या विधानसभा निवडणुकांदरम्यान आचारसंहितेचा भंग केल्याप्रकरणी भाजपचे उमेदवार विश्वास सारंग यांना दोषी ठरवून निवडणूक आयोगाने कडक शब्दांत तंबी दिली आहे. २५ नोव्हेंबर रोजी पार पडलेल्या निवडणुकीदरम्यान, आचारसंहिता लागू असतानाही सारंग यांनी एका जैन मंदिरासाठी एक लाख रुपयांची देणगी दिल्याचे सांगण्यात आले. सारंग यांनी आयोगास पाठविलेल्या पत्रात देणगी दिल्याचे मान्य केले परंतु आपले हे कृत्य क्षणात घडल्याची मखलाशी त्यांनी केली. सारंग यांचे हे उत्तर समाधानकारक न वाटल्यामुळे आयोगाने त्यांना दोषी ठरवून या प्रकरणी पुन्हा असे न करण्यासंबंधी कडक शब्दांत तंबी दिली.