भाजपाचा जाहीरनामा : …तर बिहारच्या जनतेला करोना लस मोफत देऊ

बिहार निवडणुकीसाठी भाजपाने ११ संकल्प असणारा जाहीरनामा प्रसिद्ध केला आहे. यामध्ये अगदी करोनाच्या लसीपासून ते रोजगार आणि अल्पबचत गटांपर्यंत अनेक मुद्द्यांचा समावेश आहे. आयसीएमआरने परवानगी दिल्यानंतर बिहारमधील सर्व व्यक्तींना करोनाचा लस मोफत दिली जाईल असं जाहीरमान्यात म्हटलं आहे.

Bihar: Union Finance Minister & BJP leader Nirmala Sitharaman releases BJP’s manifesto for #BiharPolls, in Patna. pic.twitter.com/dWXCySJF45
— ANI (@ANI) October 22, 2020

बिहारमधील प्रत्येक नागरिकाला येथील राजकीय परिस्थितीचा योग्य अंदाज आहे. पक्षाने दिलेल्या आश्वासनांबद्दल त्यांना योग्य माहिती आहे. कोणी आमच्या जाहीरनाम्यासंदर्भात प्रश्न विचारल्यास आम्ही त्याला योग्य उत्तर नक्कीच देऊ शकतो. आम्ही जाहीरनाम्यात दिलेली आश्वासने योग्य पद्धतीने पूर्ण केल्याचं आत्मविश्वासाने सांगू शकतो, असं सीतारामान यांनी यावेळी म्हटलं आहे.

Bihar is one state where all citizens are politically sensitive & well informed. They know & understand the promises a party makes. If anyone raises questions on our manifesto, we can answer them with confidence as we fulfil what we promised: N Sitharaman in Patna.#BiharPolls pic.twitter.com/ZhhqLAdm9i
— ANI (@ANI) October 22, 2020

काय काय आहे भाजपाच्या जाहीरनाम्यात

१) करोनाची लस आल्याबरोबर निःशुल्क देणार
२) मेडिकल/इंजिनिअरिंगचे शिक्षण हिंदी भाषेत देणार
३) ३ लाख शिक्षकांची भरती करणार
४) बिहारला आयटी हब बनवणार, ५ लाख रोजगार देणार
५) १ कोटी महिलांना स्वावलंबी बनवणार, मायक्रो फायनान्स संस्था उभ्या करणार
६) एक लाख लोकांना आरोग्य क्षेत्रामध्ये नोकऱ्या उपलब्ध करुन देणार
७) दरभंगामध्ये २०२४ पर्यंत अखिल भारतीय आरोग्य संस्थानची उभारणी
८) धान्य आणि गहूसोबत सरकार डाळीही विकत घेणार
९) २०२२ पर्यंत ३० लाख लोकांना पक्की घर बांधून देणार
१०) गोड्या पाण्यातील मत्स्य उत्पादनात राज्य पहिल्या क्रमांकावर आणणार
११) दुग्ध उत्पादनासंदर्भातील १५ नवे उद्योग सुरु करणार