क्युटिस बायोटेक या नांदेड येथील औषध कंपनीने सीरम इन्स्टिटयूट ऑफ इंडिया विरोधात पुण्यातील व्यावसायिक न्यायालयात खटला दाखल केला आहे. सीरमने करोना व्हायरसविरोधात बनवलेल्या लसीला ‘कोव्हिशिल्ड’ असे नाव दिले आहे. सीरमने त्यांच्या लसीसाठी ‘कोव्हिशिल्ड’ या नावाचा वापर करु नये, यासाठी क्युटिस बायोटेकने हा खटला दाखल केला आहे.
‘कोव्हिशिल्ड’ या नावाच्या ट्रेडमार्क रजिस्ट्रेशनसाठी आम्ही आधीच एप्रिल २०२० मध्ये अर्ज केला होता. ‘कोव्हिशिल्ड’ या नावाने कंपनीने वेगवेगळया उत्पादनांची निर्मिती करुन, बाजारात त्यांची विक्री केली आहे असे क्युटिस बायोटेकने म्हटले आहे.
सध्या देशात सर्वांचेच लक्ष सीरम इन्स्टिटयूट ऑफ इंडियाच्या करोना प्रतिबंधक लसीकडे लागले आहे. सीरम ऑक्सफर्ड-अस्त्राझेनेकाने मिळून विकसित केलेल्या लसीचे उत्पादन करीत आहे. सीरमने या करोना प्रतिबंधक लसीला ‘कोव्हिशिल्ड’ हे नाव दिले आहे.
Cutis Biotech claimed that they’ve already applied for trademark registration of the name ‘Covishield’ for their products in April 2020. The company has already manufactured multiple products with the given name and has sold them in market. https://t.co/bJM6Qs4WjI
— ANI (@ANI) January 6, 2021
अलीकडेच सरकारने सीरमच्या लसीचा मर्यादीत वापर करण्यास आपत्कालीन मान्यता दिली आहे. ‘कोव्हिशिल्ड’ लसीचे काही कोटी डोस बनून तयार आहेत. पुढच्या दहा दिवसात लसीकरणाला देशात सुरुवात होईल. या परिस्थितीत आता नांदेडमधील क्युटिस बायोटेक औषध कंपनीने सीरम विरोधात कोर्टात खटला दाखल केला आहे.