यूजीसी नेट परीक्षेमधील गोंधळामुळे लाखो विद्यार्थ्यांचे भवितव्य टांगणीला लागलेले आहे. देशभरातील विद्यार्थ्यांमध्ये संतापाची लाट आहे. या परीक्षेतील गोंधळानंतर विरोधकांनी सरकारला धारेवर धरले आहे. तर या पेपर लीक प्रकरणाचा तपास सीबीआय करत आहे. आता पेपरफुटीच्या प्रकरणात सीबीआय आपला अहवाल सादर करणार आहे. मात्र, या अहवालात पेपरफुटी प्रकरणातील पुराव्यांशी छेडछाड झाल्याचं म्हटलं आहे.

पेपरफुटी प्रकरणासंदर्भातील अहवाल न्यायालयात सीबीआय सादर करणार असून यावर सर्वोच्च न्यायालयात सुनावणी होणार आहे. दरम्यान, विद्यार्थ्यांनी सर्वोच्च न्यायालयात दाखल केलेल्या याचिकेत पेपर लीक प्रकरणाची फेरपरीक्षा आणि योग्य तपासाची मागणी करण्यात आलेली आहे. याआधी केंद्र सरकार नॅशनल टेस्टिंग एजन्सीने बुधवारी प्रतिज्ञापत्र दाखल केले होते. आता सीबीआय देखील सर्वोच्च न्यायालयात प्रतिज्ञापत्र दाखल करण्याची शक्यता आहे.

CJI dhananjay Chandrachud on aibe
“अभ्यास करा ना”, सरन्यायाधीश धनंजय चंद्रचूड यांनी याचिकाकर्त्याला सुनावलं; म्हणाले, “मार्कांचं कटऑफ आणखी किती कमी करायचं?”
pooja khedkar ias news in marathi
IAS पूजा खेडकर यांचे कारनामे दिल्लीपर्यंत पोहोचले; थेट पंतप्रधान कार्यालयानं घातलं लक्ष, LBSNAA नंही मागवला अहवाल!
NEET exam, NEET exam Crisis, Uncertainty for 23 Lakh Medical Aspirants, Court Delays neet exam, Regulatory Failures, Regulatory Failures in neet exam, neet exam, neet medical exam, neet exam news, neet news
‘नीट’ दिलेल्या २३ लाख विद्यार्थ्यांच्या भविष्याविषयी काहीच गांभीर्य नाही?
IAS Pooja Khedkar father Dilip Khedkar
Pooja Khedkar Father First Reaction : IAS पूजा खेडकर यांचे वडील दिलीप खेडकर यांची पहिली प्रतिक्रिया; म्हणाले, “माझ्या मुलीने चूक…”
IAS Pooja Khedkar WhatsApp Chat Pune Collector Office
Pooja Khedkar Chat : “सर्व व्यवस्था करून ठेवा…”, पूजा खेडकर यांचे ‘ते’ व्हॉट्सॲप चॅट व्हायरल
neet paper leak issue
“…तर आम्हाला नीट परीक्षा पुन्हा घेण्याचे निर्देश द्यावे लागतील”, सर्वोच्च न्यायालयाचं मोठं विधान!
Narendra Modi Vladimir Putin AP
युद्धादरम्यान रशियन सैन्यात भारतीय विद्यार्थी भरती का होतायत? पुतिन सरकार म्हणाले, “आमची इच्छा नव्हती की…”
Pooja Khedkar First Reaction
Pooja Khedkar : वादानंतर IAS पूजा खेडकर पहिल्यांदाच आल्या माध्यमांसमोर; घडल्या प्रकाराबाबत विचारणा केली असता म्हणाल्या…

हेही वाचा : ‘सीबीआय’वर केंद्र सरकारचेच नियंत्रण; सर्वोच्च न्यायालयाचा निर्वाळा; पश्चिम बंगाल सरकारची याचिका दाखलयोग्य

दरम्यान, यूजीसी नेट पेपर पेपरफुटीच्या प्रकरणात सीबीआयला तपासात असं आढळून आलं की, १८ जून रोजी लाखो उमेदवारांनी ही परीक्षा दिली होती. मात्र, त्यानंतर एका दिवसातच शिक्षण मंत्रालयाने परीक्षा रद्द करण्याचा निर्णय घेतला. यूजीसी नेट ही परीक्षा दोन सत्रात घेण्यात आली होती. यामध्ये पहिले सत्र सकाळी ९.३० ते १२.३० आणि दुसरे सत्र दुपारी ३ ते ६ असे होते. मात्र, या दरम्यान, काही टेलिग्राम चॅनेलवर गडबड झाल्याचं आढळून आलं. मॉर्फ केलेला स्क्रीनशॉट व्हायरल झाले होते.

टेलिग्राम चॅनेलवर परीक्षेसंदर्भातील स्क्रीनशॉट व्हायरल झाल्यानंतर भारतीय सायबर क्राईम कोऑर्डिनेशन सेंटरद्वारे यासंदर्भातील इनपुट १९ जून रोजी विद्यापीठ अनुदान आयोगाकडे पाठवण्यात आले. त्यानंतर सरकारने परीक्षा रद्द करण्याची घोषणा केली. त्यानंतर सीबीआयने हा तपास हाती घेतला होता.

आता सरकारी सूत्रांनी दिलेल्या माहितीच्या आधारवर इंडियन एक्सप्रेसने दिलेल्या वृत्तानुसार, सीबीआयला असे आढळून आले आहे की, प्रश्नपत्रिकेचा स्क्रीनशॉट परीक्षेपूर्वी उपलब्ध असल्याचा आभास निर्माण करण्यासाठी त्यात फेरफार करण्यात आली होती. यूजीसी नेट परीक्षेच्या पहिल्या सत्रानंतर लगेचच दुपारच्या सुमारास एका उमेदवाराने टेलिग्राम चॅनलवर प्रश्नपत्रिकेचा फोटो शेअर केला होता. हे छायाचित्र अनेक लोकांकडे प्रसारित झाले होते. मुळात एका टेलीग्राम चॅनलद्वारे चालवलेला हा एक घोटाळा होता. ज्यामध्ये एकदा पेपरचे पहिले सत्र संपले की, घोटाळेबाजांनी त्या प्रश्नपत्रिकेचे छायाचित्र काही विद्यार्थ्यामार्फत प्रसारित केले. हे सर्व विश्वासार्हता प्रस्थापित करण्यासाठी केले गेले. जेणेकरून ते भविष्यात या माध्यमातून पैसे कमवू शकतील, असं वृत्तात म्हटलं आहे. दरम्यान, या सर्व प्रकरणाचा तपास सीबीआय करत आहे.