News Flash

प्रकाश आंबेडकर यांच्या सभेकडे पुणेकरांची पाठ

संध्याकाळी याच ठिकाणी मुख्यमंत्री देवेंद्र फडणवीस यांची बारामती लोकसभा मतदारसंघाच्या उमेदवारांसाठी सभा होणार असून या सभेला तरी पुणेकर येतील का, याकडे सर्वांचे लक्ष लागले आहे.

लोकसभा निवडणुकीच्या पार्श्वभूमीवर राज्यभरात सर्वपक्षीय नेत्यांचा सभांचा धडाका सुरु असून वंचित बहुजन आघाडीचाही प्रचार जोमात सुरु आहे. मात्र, पुण्यात शनिवारी सकाळी प्रकाश आंबेडकर यांच्या सभेला अल्पप्रतिसाद मिळाला. यासभेला फारशी गर्दी झाली नव्हती. मैदानातील खुर्च्या रिकाम्याच होत्या. संध्याकाळी याच ठिकाणी मुख्यमंत्री देवेंद्र फडणवीस यांची बारामती लोकसभा मतदारसंघाच्या उमेदवारांसाठी सभा होणार असून या सभेला तरी पुणेकर येतील का, याकडे सर्वांचे लक्ष लागले आहे.

महाराष्ट्रात चार टप्प्यांपैकी दोन टप्प्यांमधील मतदान झाले आहे. शेवटच्या दोन टप्प्यातील मतदानासाठी सध्या राजकीय पक्षांनीही कंबर कसली असून भाजपा, सेना, काँग्रेस, राष्ट्रवादी काँग्रेस आणि वंचित बहुजन आघाडीची नेते प्रचारसभा घेत आहेत. शनिवारी पुण्यातील वडगाव धायरी येथे बारामती लोकसभा मतदारसंघाचे वंचित बहुजन आघाडीचे नवनाथ पडळकर यांच्या प्रचारार्थ वंचित बहुजन आघाडीचे प्रमुख प्रकाश आंबेडकर यांच्या अध्यक्षतेखाली सभा पार पडली.

वंचित आघाडीच्या सभांना राज्यात चांगला प्रतिसाद मिळाला होता. लाखोंचा समुदाय सभेसाठी गर्दी करताना दिसत होता. मात्र, पुण्यात वंचित आघाडीच्या सभेबाबत निरुत्साह दिसून आला. सभेला मिळालेला अल्प प्रतिसाद पाहता वंचित आघाडीच्या उमेदवाराचे काय होणार, याबाबत चर्चा रंगली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 20, 2019 12:47 pm

Web Title: low turnout at prakash ambedkar rally at pune
Next Stories
1 लैंगिक छळाचा आरोप; न्यायपालिका अस्थिर करण्याचा कट: सरन्यायाधीश
2 आयसिसशी संबंध असल्याचा संशय; वर्धा, हैदराबादमध्ये NIA चा छापा
3 रोहित शेखर यांची उशीने तोंड दाबून हत्या केल्याचा संशय; तपास CID कडे वर्ग
Just Now!
X