बीड लोकसभा मतदारसंघात भारतीय जनता पक्षाच्या नेत्या पंकजा मुंडे या लोकसभेच्या उमेदवार आहेत. त्यांच्या विरोधात राष्ट्रवादी काँग्रेस शरदचंद्र पवार पक्षाचे बजरंग सोनवणे निवडणूक लढवत आहेत. सध्या बीडमध्ये दोन्ही उमेदवारांकडून जोरदार प्रचार सुरु आहे. रविवारी सायंकाळी पंकजा मुंडे यांची भर पावसात सभा पार पडली. यावेळी त्यांनी जोरदार भाषण केलं. ‘मला कोणीही रोखू शकत नाही’, असे सूचक विधान करत पंकजा मुंडे यांनी विरोधकांना इशारा दिला.

पंकजा मुंडे काय म्हणाल्या?

“असा मतांचा पाऊस तुम्ही माझ्यावर पाडा, मी तुमच्यावर असाच विकासाचा पाऊस पाडल्याशिवाय राहणार नाही. देशामध्ये आणि राज्यामध्ये बीड जिल्हा एक विकासाचं नवीन समीकरण निर्माण करणार आहे, असा मला विश्वास आहे. तुम्ही उन्हात तर मी उन्हात आणि तुम्ही पावसात तर मीदेखील पावसात. आता कुणीतरी सांगितलं की, ही निवडणूक वेगळ्या दिशेने चालली आहे. मात्र, बीड जिल्ह्याची जनता विकासाच्या बाजूने आपलं मत देईल हा मला विश्वास आहे”, असं मत पंकजा मुंडे यांनी व्यक्त केलं.

congress leader nana patole
पुणे: शहर काँग्रेसमध्ये लवकरच बदल, ‘आमचे’ म्हणूनच धंगेकरांना उमेदवारी दिल्याची नाना पटोलेंची स्पष्टोक्ती
lok sabha election results 2024 bjp leaders hold meeting on eve of lok sabha poll counting
मतमोजणीच्या पूर्वसंध्येला भाजप नेत्यांची बैठक
reasons given by Congress leaders for ignoring pm narendra modis statement about Gandhi
गांधीबाबत मोदींच्या विधानाकडे दुर्लक्ष, काँग्रेस नेत्यांनी दिली ही कारणे
AAP MP Swati Maliwal and YouTuber Dhruv Rathee
ध्रुव राठी आणि ‘आप’वर स्वाती मालिवाल यांचा मोठा आरोप; म्हणाल्या, “बलात्कार आणि जीवे मारण्याची..”
Electoral officials beaten up in Mulund A case has been registered against 20 25 persons Mumbai
मुलुंडमध्ये निवडणूक अधिकाऱ्यांना धक्काबुक्की; २० – २५ जणांविरोधात गुन्हा दाखल
rajnath singh modi shah
२०२५ मध्ये अमित शाह पंतप्रधान होणार? अरविंद केजरीवालांच्या दाव्यावर राजनाथ सिंहांचं उत्तर; मोदींच्या निवृत्तीबाबत म्हणाले…
BJP silence on Mayawati sparks discussion
मायावतींवर भाजपाचे मौन, भाच्याला अचानक पदावरून दूर केल्यानंतर ‘बी टीम’च्या चर्चेला उधाण
BJP in Rae Bareli Amit Shah Rahul Gandhi in Rae Bareli Lok Sabha seat
राहुल गांधींविरुद्ध उभे ठाकलेल्या भाजपा उमेदवाराला पाठिंबा द्यावा की नाही? पक्षांतर केलेल्या नेत्यांच्या मनात टू बी ऑर नॉट टू बी

हेही वाचा : देवेंद्र फडणवीसांचा टोला, “उद्धव ठाकरेंनी मोदींवर टीका करणं म्हणजे सूर्याकडे थोबाड करुन थुंकण्याचा प्रकार”

“तुम्हाला कांद्याची चिंता आहे. कापसाची चिंता आहे. मी तुम्हाला वचन देते, तुमच्या या चिंता सोडवण्यासाठीच मी संसदेत चालले आहे. मी विकास करते असे तुम्हाला वाटते का? मी कधीही जातीवाद केला नाही. कधीही धर्माचे राजकारण केले नाही. त्यामुळे आज मला पंतप्रधान नरेंद्र मोदी यांनी ही संधी दिली आहे. बीड जिल्हा मला मान खाली घालायला लावणार नाही. आता माझा आवाज तुमच्यापर्यंत पोहोचण्यापासून कोणीही रोखू शकत नाही”, असा इशारा पंकजा मुंडे यांनी दिला.

“मी निवडून आले तर सामान्य माणसांना न्याय मिळेल. या सामान्य माणसांना कोणाच्या दारात जावं लागणार नाही. नरेंद्र मोदी हे पुन्हा पंतप्रधान होणार आहेत. आपले महायुतीचे साडेतीनसे खासदार होणार आहेत, पण विरोधकांचे तीनही खासदारही होणार आहेत का? मग आपलं मत कशाला वाया घालायचं?”, असा निशाणा पंकजा मुंडे यांनी विरोधकांवर साधला.