आयपीएलच्या तेराव्या हंगामात किंग्ज इलेव्हन पंजाबची रुळावरुन घसरलेली गाडी अद्यापही मार्गावर येताना दिसत आहे. चेन्नईविरुद्ध सामन्यात पंजाबच्या गोलंदाजांची भरपूर धुलाई झाली. वॉटसन-डु प्लेसिस जोडीने या सामन्यात फटकेबाजी करत संघाला १० गडी राखून सामना जिंकवला. यानंतर सनराईजर्स हैदराबादविरुद्ध सामन्यातही पंजाबच्या गोलंदाजांची कामगिरी यथातथाच झाली. नाणेफेक जिंकून प्रथम फलंदाजी करण्याचा निर्णय घेतलेल्या डेव्हिड वॉर्नरने चांगली सुरुवात केली. जॉनी बेअरस्टो आणि वॉर्नर जोडीने पंजाबच्या गोलंदाजांचा समाचार घेत मैदानाच्या चौफेर फटकेबाजी केली. दोन्ही खेळाडूंनी पहिल्या विकेटसाठी शतकी भागीदारी केली. सामन्यात १२ षटकं टाकल्यानंतरही पंजाबच्या गोलंदाजांना एकही विकेट मिळत नसल्याचं पाहून सोशल मीडियावर पंजाबच्या संघाने आपल्याच गोलंदाजांना ट्रोल केलं आहे. #SaddaPunjab #IPL2020 #KXIP #SRHvKXIP pic.twitter.com/dZIpauXiGx— Kings XI Punjab (@lionsdenkxip) October 8, 2020 जॉनी बेअरस्टो आणि डेव्हिड वॉर्नर जोडीने यादरम्यान चांगली फटकेबाजी करत पंजाबला बॅकफूटवर ढकललं. आयपीएलमध्ये सलामीला येताना वॉर्नर-बेअरस्टो जोडीने १ हजार धावांचा टप्पाही पूर्ण केला.