कोल्हापूर जिल्हा बँकेच्या वारणा शाखेत सव्वातीन कोटींची अफरातफर, आरोपींना दहा दिवस पोलीस कोठडी 

बँकेचे उपव्यवस्थापक बाळासाहेब हरी बेलवळेकर यांनी याबाबत कोडोली पोलीस ठाण्यात आज फिर्याद नोंदवली आहे. १५ जुलै २०२१ ते २० ऑगस्ट २०२४ या कालावधीमध्ये कार्यरत वारणा शाखेचे शाखाधिकारी तानाजी ईश्वरा पोवार (रा. कळे), कारकून मुकेश विलास पाटील (रा. मसूद माले), रोखपाल शिवाजी शहाजी पाटील (रा. आरळे), मिनाक्षी भगवान कांबळे (रा. कोडोली), शरीफ मुन्तांज मुल्ला (रा. कोडोली, सर्व ता. पन्हाळा) यांच्या विरोधात गुन्हा दाखल करण्यात आला आहे.कसा घडला गुन्हा ?आरोपींनी संगनमताने अन्य कर्मचाऱ्यांच्या पगारपत्रकावर बोगस सह्या करून, खातेदारांच्या नावे बोगस खाती उघडून बंद खात्यावरील रक्कम काढून घेतली. यासाठी कर्मचाऱ्यांचा युजर आयडी, पासवर्ड वापरला. आर्थिक व्यवहाराची महत्त्वाची कागदपत्रे, केवायसी तपासणी वेळी मागणी करूनही दिली नव्हती. आर्थिक गुन्हे शाखेच्या पोलीस उपअधीक्षक सुवर्णा पत्की, सहा. पोलीस निरीक्षक कैलास कोडग तपास करत आहेत.