विराटचे सलग दुसरे द्विशतक, सचिनच्या विक्रमाशी बरोबरी

या द्विशतकासह विराट सलामीवीर वीरेंद्र सेहवाग आणि मास्टर ब्लास्टर सचिनच्या ६ द्विशतकांच्या विक्रमाची बरोबरी केली. यापूर्वी वीरेंद्र सेहवाग आणि सचिन तेंडुलकर यांनी कसोटी सामन्यात ६ द्विशतके झळकावली होती. कसोटी क्रिकेटमध्ये सर्वाधिक द्विशतके करण्याचा विक्रम ब्रॅडमन यांच्या नावे आहे. त्यांनी ५२ सामन्यात सर्वाधिक १२ द्विशतके ठोकण्याचा पराक्रम केला. त्यानंतर अकरा द्विशतकांसह संगकारा दुसऱ्या स्थानावर आहे. तर वेस्ट इंडिजच्या ब्रायन लारानं १३१ सामन्यात ९ द्विशतके झळकावली आहेत. इंग्लंडचे दिग्गज हॅमॉन्ड आणि श्रीलंकेचा माजी फलंदाज महेला जयवर्धने हे प्रत्येकी ७ द्विशतकासह या यादीत चौथ्या आणि पाचव्या स्थानावर आहेत.