Umesh Yadav: भारतीय गोलंदाजावर कोसळला दु:खाचा डोंगर; वडिलांचे वयाच्या ७४ वर्षी झाले निधन

उमेश यादव बॉर्डर गावसकर मालिकेतून बाहेर?

उमेश यादवच्या वडिलांच्या निधनानंतर तो बॉर्डर गावस्कर मालिकेचा भाग राहण्याची शक्यता कमी आहे. तो लवकरच संघाबाहेर जाऊ शकतो. उमेश यादव ऑस्ट्रेलियाविरुद्धच्या पहिल्या दोन कसोटी सामन्यांसाठी प्लेइंग इलेव्हनचा भाग होऊ शकला नाही. तसेच फिरकीला अनुकूल खेळपट्ट्या पाहता पुढील सामन्यांमध्येही तो स्थान मिळवू शकणार नाही अशी अपेक्षा आहे.

हेही वाचा – Saudi Arabia Foundation Day: सौदीच्या पारंपारिक पोशाखात तलवारी घेऊन नाचताना दिसला Cristiano Ronaldo, पाहा VIDEO

वेगवान गोलंदाज उमेश यादवने गेल्या वर्षी बांगलादेशविरुद्ध भारताकडून शेवटचा सामना खेळला होता. उमेश यादवने दोन सामन्यांच्या कसोटी मालिकेत एकूण ७ बळी घेतले. यानंतर तो रणजी ट्रॉफीमध्ये विदर्भ विरुद्ध पंजाब सामन्यात खेळला. तो सामना अनिर्णित असला तरी त्याला गोलंदाजीची संधी मिळाली नाही. यानंतर, तो ऑस्ट्रेलियाविरुद्धच्या चार सामन्यांच्या कसोटी मालिकेत स्थान मिळवण्यात यशस्वी झाला, परंतु येथे खेळण्याची संधी मिळाली नाही.

हेही वाचा – IPL 2023: सनरायझर्स हैदराबादचा मोठा निर्णय; कर्णधारपदी ‘या’ धडाकेबाज खेळाडूची केली निवड

उमेशने भारताकडून ५४ कसोटी सामन्यात १६५ बळी घेतले आहेत. उमेश मर्यादीत षटकांच्या क्रिकेटमध्ये टीम इंडियाचा नियमित सदस्य नाही. तो २०१८ मध्ये शेवटचा वनडे आणि गेल्या वर्षी टी-२० सामना खेळला होता.

शेवटच्या दोन कसोटींसाठी टीम इंडिया –

रोहित शर्मा (कर्णधार), केएल राहुल, शुबमन गिल, चेतेश्वर पुजारा, विराट कोहली, केएस भरत (यष्टीरक्षक), इशान किशन (यष्टीरक्षक), आर अश्विन, अक्षर पटेल, कुलदीप यादव, रवींद्र जडेजा, मोहम्मद शमी, मोहम्मद सिराज, श्रेयस अय्यर, सूर्यकुमार यादव, उमेश यादव आणि जयदेव उनाडकट.