scorecardresearch

Premium

IND vs NZ 1st ODI: शुबमन-सिराजचा जलवा! भारताचा न्यूझीलंडवर १२ धावांनी निसटता विजय, मालिकेत १-० आघाडी

India vs New Zealand, 1st ODI: भारत-न्यूझीलंड यांच्यातील तीन एकदिवसीय सामन्यांच्या मालिकेत टीम इंडियाने विजयी सुरुवात केली. शुबमन गिलच्या द्विशतकी खेळीने न्यूझीलंडवर १२ धावांनी विजय मिळवला.

IND vs NZ 1st ODI: Shubman-Siraj played well India beat New Zealand by 12 runs 1-0 lead in the series
सौजन्य- आयसीसी (ट्विटर)

India vs New Zealand 1st ODI Match Updates: भारत विरुद्ध न्यूझीलंड संघात ३ सामन्यांच्या एकदिवसीय मालिकेतील पहिला सामना बुधवारी (दि. १८ जानेवारी) हैदराबाद येथे खेळण्यात आला. नवीन वर्षातील दुसऱ्या मालिकेत भारतीय संघाने विजयी सुरुवात करत विश्वचषकाची तयारी पूर्ण करण्याच्या दिशेने एक पाऊल पुढे टाकले. टीम इंडियाने शुबमन गिलचे द्विशतकाच्या जोरावर १२ धावांनी न्यूझीलंडवर विजय मिळवला. भारतीय संघाने निर्धारित ५० षटकांत ८ बाद ३४९ धावाांचा डोंगर उभारला होता. मायकेल ब्रेसवेलच्या झुंजार शतकाच्या जोरावर न्यूझीलंडने देखील ३३७ धावा करत भारतीय संघाचा विजय लांबवला. द्विशतकवीर शुबमन गिलला सामनावीराचा पुरस्कार देण्यात आला.

युवा फलंदाज शुबमन गिलच्या विक्रमी द्विशतकाच्या जोरावर भारतीय संघाने निर्धारित ५० षटकांत ८ बाद ३४९ धावाांचा डोंगर उभारला. धावांचा पाठलाग करण्यासाठी उतरलेल्या पाहुण्या संघाची सुरुवात खराब झाली. अवघ्या २८ धावांवर त्यांनी पहिली विकेट गमावली. फिन ऍलन ४० (३९), डेवॉन कॉनवे १०(१६), हेन्री निकोल्स १८(३१), डॅरिल मिचेल ९(१२), टॉम लॅथम २४(४६), ग्लेन फिलिप्स ११(२०), धावा करून बाद झाले. मात्र मायकेल ब्रेसवेल आणि मिशेल सँटनर यांच्यात दीडशतकी (१६२) भागीदारी झाली. दोघांनी अखेरपर्यत झुंज देत भारतीय गोलंदाजांच्या नाकीनऊ आणले. ब्रेसवेलने त्याचे शतक पूर्ण करत न्यूझीलंडला विजयाच्या नजीक नेले पण त्याचे प्रयत्न अपुरे पडले. त्याने ७८ चेंडूत १४० धावा केल्या. मिशेल सँटनरने त्याला साथ देत अर्धशतक साजरे करत ५७ धावा केल्या. मोहम्मद सिराजने सर्वाधिक ४ गडी बाद केले. त्याला शार्दूल ठाकूर आणि कुलदीप यादवने २ गडी बाद करत साथ दिली. तर मोहम्मद शमी आणि हार्दिक पांड्या यांना १-१ गडी बाद करण्यात यश आले.

India Defeat by 28 Runs against England
IND vs ENG 1st Test : “एक संघ म्हणून आम्ही…”, इंग्लंडविरुद्धच्या पराभवानंतर कर्णधार रोहित शर्माने व्यक्त केली नाराजी
AUS vs WI 2nd Test Match Updates in marathi
AUS vs WI 2nd Test : वेस्ट इंडिजचा ऑस्ट्रेलियावर ८ धावांनी ऐतिहासिक विजय, शमर जोसेफ ठरला विजयाचा शिल्पकार
On the strength of Olly Pope's century England scored 311 runs in the second innings
IND vs ENG 1st Test : ऑली पोपच्या शतकाने इंग्लंडचे सामन्यात दमदार पुनरागमन, दुसऱ्या डावात घेतली १२६ धावांची आघाडी
IND vs ENG 1st Test Match Updates
IND vs ENG : इंग्लंडविरुद्ध भारताने पहिल्या डावाच्या जोरावर घेतली १९० धावांची आघाडी, राहुलनंतर जडेजाचेही हुकले शतक

भारताचा कर्णधार रोहित शर्माने नाणेफेक जिंकत फलंदाजी करण्याचा निर्णय घेतला होता. यावेळी सलामीला फलंदाजीला आलेल्या युवा शुबमन गिल याने आपला लाजवाब फॉर्म कायम राखला. श्रीलंकेविरुद्धच्या अखेरच्या सामन्यात शतक झळकावलेल्या गिलने या सामन्यात आणखी एक मोठा पराक्रम करत द्विशतक साजरे केले. वन डे क्रिकेटमध्ये २०० धावा करणारा तो पाचवा भारतीय फलंदाज ठरला.

रोहित शर्मा याच्यासह सलामीला आलेल्या शुबमन गिलने सुरुवातीपासून आक्रमक फलंदाजी केली. त्याने न्यूझीलंडच्या सर्वच गोलंदाजांवर अक्षरशः वर्चस्व गाजवले. त्याने ८७ चेंडूवर शतकाला गवसणी घातली. त्यानंतर त्याने आपल्या खेळात अधिक आक्रमण आणत १४५ चेंडूंवर द्विशतक पूर्ण केले. यामध्ये १९ चौकार व ८ षटकारांचा समावेश होता.

भारतीय डावाबाबत सांगायचे झाल्यास रोहित शर्माने ३४(३८), सूर्यकुमार यादव ३१(२६), हार्दिक पांड्या ३८(२८) आणि वॉशिंग्टन सुंदर १२(१४) यांनाच केवळ गिल व्यतिरिक्त दोन आकडी धावसंख्या गाठता आली. तर विराट कोहली आणि इशान किशन अनुक्रमे अवघ्या ८ आणि ५ धावा करून बाद झाले. न्यूझीलंडच्या गोलंदाजांच्या बाबतीत बोलायचे झाल्यास हेन्री शिपले आणि डॅरिल मिचेल यांनी प्रत्येकी २ गडी बाद केले. तर मिशेल सँटनर, लॉकी फर्ग्युसन आणि ब्लेअर टिकनर यांना प्रत्येकी १ गडी बाद करण्यात यश आले.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs nz 1st odi shubman siraj played well india beat new zealand by 12 runs 1 0 lead in the series avw

First published on: 18-01-2023 at 21:58 IST

संबंधित बातम्या

तुम्ही या बातम्या वाचल्या आहेत का? ×