scorecardresearch

Premium

IND vs SL: रोहित शर्माने मोडला शाहिद आफ्रिदीचा मोठा विक्रम, श्रीलंकेविरुद्धच्या सामन्यात केला ‘हा’ खास कारनामा

IND vs SL Match Upadtes: आशिया चषक स्पर्धेतील सुपर फोर फेरीतील चौथ्या सामन्यात श्रीलंका विरुद्ध भारत संघात पार पडला. या सामन्यात रोहित शर्माने शाहिद आफ्रिदीचा विक्रम मोडला आहे.

Rohit Sharma Breaks Shahid Afridi's Record
रोहित शर्मा आणि शुबमन गिल (फोटो-ट्विट)

Rohit Sharma Breaks Shahid Afridi’s Most Sixes Record in Asia Cup: भारतीय कर्णधार रोहित शर्माने श्रीलंकेविरुद्ध ४८ चेंडूत ५३ धावांची शानदार खेळी केली. त्याने आपल्या खेळीत ७ चौकार आणि २ षटकार मारले. यासोबतच भारतीय कर्णधाराने एक मोठा विक्रम आपल्या नावावर केला आहे. वास्तविक, रोहित शर्मा आशिया कपमध्ये सर्वाधिक षटकार मारणारा फलंदाज ठरला आहे. यापूर्वी हा विक्रम पाकिस्तानचा माजी अष्टपैलू खेळाडू शाहिद आफ्रिदीच्या नावावर होता. पण आता रोहित शर्माने शाहिद आफ्रिदीला मागे टाकले आहे.

रोहित शर्माने शाहिद आफ्रिदीला टाकले मागे –

रोहित शर्माने आशिया कपमध्ये २८ षटकार ठोकले आहेत. त्याचबरोबर आता शाहिद आफ्रिदी दुसऱ्या क्रमांकावर घसरला आहे. पाकिस्तानचा माजी अष्टपैलू खेळाडू शाहिद आफ्रिदीच्या नावावर २६ षटकार आहेत. रोहित शर्मा आणि शाहिद आफ्रिदी यांच्याशिवाय श्रीलंकेचा माजी खेळाडू सनथ जयसूर्या तिसऱ्या क्रमांकावर आहे. आशिया कपमध्ये सनथ जयसूर्याच्या नावावर २३ षटकार आहेत. या यादीत पुढे माजी भारतीय खेळाडू सुरेश रैना आहे. सुरेश रैनाने आशिया कपमध्ये १८ षटकार ठोकले होते.

India Defeat by 28 Runs against England
IND vs ENG 1st Test : “एक संघ म्हणून आम्ही…”, इंग्लंडविरुद्धच्या पराभवानंतर कर्णधार रोहित शर्माने व्यक्त केली नाराजी
IND vs ENG 1st Test Match Updates in marathi
IND vs ENG 1st Test : “द्रविडने शुबमनबरोबर…”, गिलच्या खराब कामगिरीनंतर केविन पीटरसनने दिला महत्त्वाचा सल्ला
Pope and Bumrah Controversy in Ind vs ENG 1st Test Match
IND vs ENG : जसप्रीत बुमराहने ऑली पोपशी मुद्दाम पंगा घेतल्याने रोहितला करावी लागली मध्यस्थी, VIDEO होतोय व्हायरल
India vs England first test match from today in Hyderabad sport news
भारताची फिरकी ‘बॅझबॉल’ला रोखणार? इंग्लंडविरुद्ध पहिला कसोटी सामना आजपासून हैदराबादमध्ये; अश्विन, जडेजावर नजरा

भारत आणि श्रीलंका यांच्यातील सामना कोलंबोमध्ये खेळला जात आहे. आशिया चषक सुपर फोर फेरीतील भारतीय संघाचा हा दुसरा सामना आहे. पहिल्या सामन्यात भारताने बाबर आझमच्या नेतृत्वाखालील पाकिस्तानी संघाचा २२८ धावांच्या मोठ्या फरकाने पराभव केला होता. भारत-श्रीलंका सामन्याबद्दल बोलायचे झाले तर भारतीय संघाचा कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला होता. या सामन्यात भारतीय संघाने सर्वबाद २१३ धावा केल्या. त्याचबरोबर श्रीलंकेसमोर २१४ धावांचे लक्ष्य ठेवले होते.

हेही वाचा – IND vs SL: दुनिथ वेल्लालगेने आपल्या शानदार गोलंदाजीने सर्वांना केले चकित, पाच विकेट्स घेत रचला इतिहास

सलामीवीर म्हणून रोहित शर्मा सर्वात जलद ८००० धावा पूर्ण करणारा खेळाडू ठरला –

या सामन्यात रोहित शर्माने ४४ चेंडूत आपले अर्धशतक पूर्ण केले. हे त्याचे एकदिवसीय क्रिकेटमधील ५१ वे अर्धशतक आहे. या खेळीच्या जोरावर रोहित शर्माने सलामीवीर म्हणून आपल्या ८००० धावा पूर्ण केल्या आहेत. त्याचबरोबर तो सर्वात जलद ८००० धावा पूर्ण करणारा खेळाडू ठरला आहे. त्याने एकदिवसीय सामन्यातील १६० डावांत हा कारनामा केला आहे. या बाबतीत त्याने हाशिम आमलाचा ​​विक्रम मोडला. आमलाने १७३ डावात ही कामगिरी केली होती. तर सचिन तेंडुलकरने १७९ डावात ही कामगिरी केली होती.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs sl match updates rohit sharma breaks shahid afridis record for most sixes in asia cup vbm

First published on: 12-09-2023 at 20:51 IST

संबंधित बातम्या

तुम्ही या बातम्या वाचल्या आहेत का? ×