वृत्तसंस्था, मुंबई

मुंबई इंडियन्स आणि चेन्नई सुपर किंग्ज या इंडियन प्रीमियर लीग (आयपीएल) क्रिकेटमधील पारंपरिक प्रतिस्पर्ध्यांतील द्वंद्वाची पर्वणी चाहत्यांना आज, रविवारी अनुभवता येणार आहे. मुंबईच्या वानखेडे स्टेडियमवर होणाऱ्या या सामन्यात चेन्नईचा माजी कर्णधार महेंद्रसिंह धोनीच्या कामगिरीवर क्रिकेटरसिकांचे लक्ष असेल.

For the first time in the history of IPL Vidarbha player Jitesh Sharma as the captain
आयपीएलच्या इतिहासात पहिल्यांदाच विदर्भाच्या खेळाडूला कर्णधारपद….
mumbai indians coach mark boucher back hardik pandya after tough ipl
मैदानाबाहेरील गोष्टींचा कामगिरीवर परिणाम! मुंबई इंडियन्सचा प्रशिक्षक मार्क बाऊचरकडून हार्दिक पंड्याची पाठराखण
Dinesh Karthik asked CSK captain Ruturaj Gaikwad
दिनेश कार्तिक आयपीएल २०२५ मध्ये CSK च्या ताफ्यात जाणार? सोशल मीडियावर ऋतुराजबरोबर चर्चा, स्टोरी व्हायरल
loksatta analysis ipl teams with highest fan most popular ipl team
आयपीएलमध्ये सर्वाधिक पसंतीचा संघ कोण? निम्म्याहून अधिक क्रिकेटप्रेमींचे उत्तर… कोणताही नाही! काय सांगते ताजे सर्वेक्षण?  
rohit needs rest due to exhaustion from playing cricket continuously opinion of michael clarke
रोहितला विश्रांतीची गरज! सातत्याने क्रिकेट खेळून दमल्याने फलंदाजीवर परिणाम; मायकल क्लार्कचे मत
Michael Clarke's statement Mumbai Indians team divided into two groups
गटबाजीने बिघडवला सर्व खेळ! विश्वविजेत्या कर्णधाराने उलगडले मुंबई इंडियन्सच्या ड्रेसिंग रूमचे ‘रहस्य’
Indian Team Announced for World Cup 2024
T20 World Cup 2024 : साई-अभिषेकसह IPL 2024 गाजवणाऱ्या ‘या’ पाच खेळाडूंना वर्ल्डकपसाठी टीम इंडियात मिळाले नाही स्थान
jyoti surekha vannam
ज्योतीची सुवर्ण हॅट्ट्रिक;  विश्वचषक तिरंदाजीमध्ये कम्पाऊंड प्रकारात भारताला पाच पदके

धोनीचा हा अखेरचा ‘आयपीएल’ हंगाम असण्याची शक्यता असून ऐतिहासिक वानखेडेवरील हा त्याचा अखेरचा सामना असू शकेल. याच मैदानावर धोनीच्या नेतृत्वाखाली भारताने २०११ मध्ये श्रीलंकेला नमवत एकदिवसीय विश्वचषकाचे जेतेपद पटकावले होते. भारताच्या विजयावर शिक्कामोर्तब करताना धोनीने मारलेला षटकार आजही सर्व क्रिकेटचाहत्यांच्या लक्षात आहे. तो अशीच काही खास कामगिरी या सामन्यातही करेल अशी चाहत्यांना आशा असेल. वयाच्या ४२व्या वर्षीही धोनी उत्कृष्ट यष्टिरक्षण करत आहे. मात्र, फलंदाजीची त्याला फारशी संधी मिळालेली नाही. वानखेडेवरील बहुधा आपल्या अखेरच्या सामन्यात छोटेखानी का होईना, पण चाहत्यांना लक्षात राहील अशी खेळी करण्यास धोनीला निश्चित आवडेल.

हेही वाचा >>>Dipendra Singh Airee : ६ चेंडूवर सलग ६ षटकार मारत नेपाळच्या फलंदाजाने कतारच्या गोलंदाजाला फोडला घाम, पाहा VIDEO

मुंबई आणि चेन्नई हे ‘आयपीएल’मधील दोन सर्वांत यशस्वी संघ आहेत. या दोनही संघांनी आतापर्यंत प्रत्येकी पाच जेतेपदे मिळवली आहेत. त्यामुळे यंदा दोन्ही संघांना सर्वाधिक ‘आयपीएल’ जेतेपदांचा विक्रम आपल्या नावे करण्याची संधी आहे. यंदाच्या हंगामापूर्वी दोन्ही संघांना नवे कर्णधार लाभले. चेन्नईच्या नेतृत्वाची धुरा धोनीकडून ऋतुराज गायकवाडकडे आली, तर रोहित शर्माच्या जागी आता हार्दिक पंड्या मुंबईचे कर्णधारपद भूषवत आहे.

चेन्नईच्या संघाने यंदा घरच्या मैदानावर उत्कृष्ट कामगिरी केली आहे. त्यांना चेपॉकवर खेळलेले तीनही सामने जिंकण्यात यश आले आहे. मात्र, प्रतिस्पर्धी संघाच्या मैदानावर त्यांची पाटी कोरी आहे. त्यांना दोन पराभव पत्करावे लागले आहेत. दुसरीकडे, मुंबईच्या संघाने हंगामाची सुरुवात तीन पराभवांसह केल्यानंतर गेल्या दोन सामन्यांत घरच्या मैदानावर खेळताना विजय मिळवले. आता मुंबईला पुन्हा घरच्या मैदानावर खेळण्याची संधी मिळणार आहे.

चेन्नईच्या गोलंदाजांची कसोटी

मुंबई इंडियन्सच्या फलंदाजांनी यंदाच्या हंगामात दमदार कामगिरी केली आहे. वानखेडेवरील सपाट खेळपट्टीवर मुंबईने दिल्ली कॅपिटल्सविरुद्ध २३४ धावांचा डोंगर उभारला होता. तर गेल्या सामन्यात बंगळूरुने दिलेले १९७ धावांचे लक्ष्य मुंबईने १५.३ षटकांतच गाठले. यात सूर्यकुमार यादवने १७ चेंडूंत केलेल्या अर्धशतकाचाही समावेश होता. रोहित शर्मा आणि इशान किशन मुंबईला आक्रमक सुरुवात करून देत आहेत. त्यामुळे या सामन्यात चेन्नईच्या गोलंदाजांची कसोटी लागेल. रवींद्र जडेजा आणि मुस्तफिझूर रहमान यांच्यावर चेन्नईच्या गोलंदाजीची भिस्त असेल.

हेही वाचा >>>PBKS vs RR : राजस्थानसाठी IPL पदार्पण करणारा कोण आहे तनुष कोटियन? ज्याने १०व्या क्रमांकावर झळकावलंय शतक

बुमराला अन्य गोलंदाजांची साथ गरजेची

मुंबईचा वेगवान गोलंदाज जसप्रीत बुमरा पूर्ण लयीत आहे. गेल्या सामन्यात त्याने बंगळूरुविरुद्ध पाच गडी बाद केले होते. मात्र, मुंबईच्या अन्य गोलंदाजांनी त्याला साथ देणे गरजेचे आहे. जेराल्ड कोएट्झी (षटकामागे १०.५९ धावा) आणि आकाश मढवाल (१०.१६) हे वेगवान गोलंदाज महागडे ठरत आहेत. हार्दिक, शेफर्ड आणि मोहम्मद नबी या अष्टपैलू खेळाडूंनी गोलंदाजीत योगदान देणेही मुंबईच्या दृष्टीने महत्त्वाचे आहे. त्यांना आज ऋतुराज गायकवाड, रचिन रवींद्र, अजिंक्य रहाणे, शिवम दुबे आणि धोनीसारख्या फलंदाजांचा सामना करावा लागणार आहे.

● वेळ : सायं. ७.३० वा.

● थेट प्रक्षेपण : स्टार स्पोर्ट्स १, १ हिंदी, जिओ सिनेमा अॅप