MI vs CSK:डीआरएसला उगीच धोनी रिव्ह्यू सिस्टीम म्हटले जात नाही; माहीच्या तीक्ष्ण नजरेतून सुटू शकला नाही सूर्यकुमार, पाहा VIDEO

सूर्यकुमार धोनीच्या नजरेतून सुटू शकला नाही –

वास्तविक, सातव्या षटकात सूर्यकुमार यादव फलंदाजीला आला. मिचेल सँटनर आणि महेंद्रसिंग धोनीने आठव्या षटकाच्या दुसऱ्या चेंडूवर सूर्यकुमार यादवविरुद्ध जोरदार अपील केली, पण लेगस्टंपच्या बाहेर जाणारा चेंडू पंचांनी वाईड घोषित केला. पंचांच्या निर्णयाने धोनीला सर्वाधिक आश्चर्य वाटले आणि त्याने लगेच रिव्ह्यू घेण्याचे संकेत दिले. बॉल सूर्यकुमार यादवच्या ग्लोव्हजची कडा घेऊन धोनीच्या ग्लोव्हजमध्ये गेल्याचे टीव्ही रिप्लेमध्ये स्पष्टपणे दिसत होते. त्यामुळे टीव्ही अंपायरच्या सूचनेनुसार मैदानी पंचांनी आपला निर्णय बदलून सूर्यकुमार यादवला बाद घोषित केले. सूर्यकुमारने आधीच खिलाडूवृत्ती दाखवत मैदान सोडले असले तरी. सूर्यकुमार यादव अवघ्या १ धाव करून बाद झाला.

धोनी रिव्ह्यू सिस्टम’ हा टॉप ट्रेंड बनू लागला –

डीआरएसबाबत धोनीच्या या समजुतीनंतर पुन्हा एकदा सोशल मीडियावर चाहत्यांनी डीआरएसचे नाव बदलून ‘धोनी रिव्ह्यू सिस्टीम’ करावे, अशी मागणी जोर धरू लागली आहे. आता डीआरएस म्हणजे डिसिजन रिव्ह्यू सिस्टम. सीएसके आणि मुंबई यांच्यातील सामना संपल्यानंतर ट्विटरवर ‘धोनी रिव्ह्यू सिस्टीम’ ट्रेंड होऊ लागला. अनेक प्रसंगी असे दिसून आले आहे की, जेव्हाही धोनी डीआरएस वापरतो तेव्हा फलंदाज आधीच मैदान सोडण्याची तयारी करतो, कारण प्रत्येकाला माहित आहे की धोनीपेक्षा चांगले डीआरएस कोणीही वापरू शकत नाही.

हेही वाचा – IPL 2023 CSK vs MI: अजिंक्य रहाणेच्या वादळी खेळीच्या जोरावर चेन्नईचा सात विकेट्सने विजय; मुंबईचा सलग दुसरा पराभव

चेन्नईचा सलग दुसरा विजय तर मुंबईचा सलग दुसरा पराभव-

सामन्याबद्दल बोलायचे, तर आयपीएलच्या १६व्या मोसमातील १२व्या सामन्यात मुंबई इंडियन्सला घरच्या मैदानावर पराभवाचा सामना करावा लागला. शनिवारी (८ एप्रिल) वानखेडे स्टेडियमवर कट्टर प्रतिस्पर्धी चेन्नई सुपर किंग्जने त्यांचा सात गडी राखून पराभव केला. चेन्नईचा कर्णधार महेंद्रसिंग धोनीने नाणेफेक जिंकून गोलंदाजी करण्याचा निर्णय घेतला आहे. मुंबईने २० षटकांत आठ गडी गमावून १५७ धावा केल्या होत्या. प्रत्युत्तरादाखल चेन्नईने १८.१ षटकांत तीन विकेट गमावत १५९ धावा करून सामना जिंकला.