IPL 2024 Chennai Super Kings vs Lucknow Super Giants Highlights : आयपीएल २०२४ मधील ३९वा सामना एमए चिदंबरम स्टेडियम चेन्नई येथे खेळला गेला आहे. या सामन्यात चेन्नई सुपर किंग्ज आणि लखनऊ सुपरजायंट्स आमनेसामने होते. ज्यामध्ये लखनऊ सुपर जायंट्सने चेन्नई सुपर किंग्जचा ६ विकेट्सने पराभव केला आहे. प्रथम खेळताना सीएसकेने निर्धारित २० षटकात २१० धावा केल्या होत्या. कर्णधार रुतुराज गायकवाडने ६० चेंडूत १०८ धावांची खेळी करत संघाला मोठ्या धावसंख्येपर्यंत नेले. मात्र, लक्ष्याचा पाठलाग करताना प्रत्युत्तरात लखनऊने १९.३ षटकांत ४ गडी गमावून लक्ष्य गाठले. मार्कस स्टॉइनिसने ६३ चेंडूत १२४ धावांवर नाबाद राहिला. या विजयासह लखनऊचा संघ गुणतालिकेत चौथ्या स्थानावर पोहोचला आहे.
Chennai Super Kings vs Lucknow Super Giants Highlights : चेन्नई सुपर किंग्ज आणि लखनऊ सुपर जायंट्स संघांत आतापर्यंत आयपीएल इतिहासात ५ सामने खेळले गेले आहेत. ज्यामध्ये लखनऊचे वर्चस्व पाहायला मिळाले आहे. कारण ५ पैकी ३ सामने लखनऊने तर १ सामना चेन्नईने जिंकला आहे. त्याचबरोबर एक सामना अनिर्णीत राहिला आहे.
लखनऊ सुपर जायंट्सने चेन्नई सुपर किंग्जचा ६ गडी राखून पराभव केला. लखनऊसाठी मार्कस स्टॉइनिसने चमकदार कामगिरी केली. त्याने नाबाद शतक झळकावले. ६३ चेंडूंचा सामना करताना त्याने नाबाद १२४ धावा केल्या. त्याने १३ चौकार आणि ६ षटकार मारले. पुरणने १५ चेंडूत ३४ धावा केल्या. दीपक हुडाने ६ चेंडूत नाबाद १६ धावा केल्या.
लखनऊकडून मार्कस स्टॉइनिसने शतक झळकावले. तो ५७ चेंडूत १०१ धावा केल्यानंतर खेळत आहे. त्याने ९ चौकार आणि ५ षटकार मारले आहेत. दीपक हुडा ७ धावा करून खेळत आहे. लखनऊला विजयासाठी शेवटच्या १२ चेंडूत ३२ धावांची गरज आहे.
मथीशा पाथिरानाने चेन्नई सुपर किंग्जला मोठे यश मिळवून दिले. निकोलस पुरन १५ चेंडूत ३४ धावा करून बाद झाला. तो झेलबाद झाला. लखनौची चौथी विकेट पडली. त्याला विजयासाठी ५३ धावांची गरज आहे. लखनऊने १५८ धावा केल्या आहेत.
लखनऊला विजयासाठी ४२ चेंडूत ९६ धावांची गरज आहे. संघाने १३ षटकात ३ गडी गमावून ११५ धावा केल्या आहेत. स्टॉइनिस ७६ धावा करून खेळत आहे. पुरण ३ धावा करून खेळत आहे. चेन्नईकडून चहर, पाथिराना आणि मुस्तफिझूर यांनी प्रत्येकी एक विकेट घेतली आहे.
लखनऊची तिसरी विकेट पडली. देवदत्त पडिक्कल १९ चेंडूत १३ धावा करून बाद झाला. पाथिरानाने त्याला पॅव्हेलियनचा रस्ता दाखवला. लखनऊने ११ षटकांत ३ गडी गमावून ८८ धावा केल्या. स्टॉइनिस ५४ धावा करून खेळत आहे.
https://twitter.com/Social_thinker1/status/1782817350464512378
लखनऊ सुपर जायंट्सने १० षटकात २ गडी गमावून ८३ धावा केल्या. मार्कस स्टॉइनिस अर्धशतक झळकावून खेळत आहे. त्याने २८ चेंडूत ५२ धावा केल्या आहेत. देवदत्त पडिक्कल १२ धावा करून खेळत आहे.
लखनऊला दुसरा धक्का पाचव्या षटकात ३३ धावांवर बसला. मुस्तफिजुर रहमानने केएल राहुलला ऋतुराज गायकवाडकरवी झेलबाद केले. राहुलला १४ चेंडूत १६ धावा करता आल्या. पाच षटकांनंतर लखनऊची धावसंख्या दोन गड्यांच्या मोबदल्यात ३३ धावा आहे. सध्या देवदत्त पडिक्कल आणि मार्कस स्टॉइनिस क्रीजवर आहेत.
दीपक चहरने तिसऱ्या षटकात १० धावा दिल्या. केएल राहुल सध्या ९ आणि मार्कस स्टॉइनिसने ११ धावांवर खेळत आहेत.
लखनऊला पहिला धक्का बसला आहे. दीपक चहरने पहिल्या षटकात क्विंटन डी कॉकचा त्रिफळा उडवला. तो शून्यावर बाद झाला. लखनऊने एका षटकात १ गडी गमावून १ धाव केला. राहुल आणि स्टॉइनिस फलंदाजी करत आहेत.
https://twitter.com/News18TamilNadu/status/1782805432425234906
चेन्नईने लखनऊसमोर २११ धावांचे लक्ष्य ठेवले आहे. नाणेफेक गमावल्यानंतर प्रथम फलंदाजी करताना चेन्नईने २० षटकांत ४ गडी गमावून २१० धावा केल्या. कर्णधार ऋतुराज गायकवाडने ६० चेंडूत नाबाद १०८ धावांची खेळी केली. तर शिवम दुबेने २७ चेंडूत ६६ धावा केल्या. धोनीने एक चेंडू खेळून चार धावा केल्या. डावाच्या शेवटच्या चेंडूवर त्याला फलंदाजीची संधी मिळाली आणि त्याने चौकार मारला. ऋतुराजने आपल्या खेळीत १२ चौकार आणि तीन षटकार मारले. त्याचवेळी शिवमने आपल्या खेळीत तीन चौकार आणि सात षटकार ठोकले. ऋतुराजचे आयपीएल कारकिर्दीतील हे दुसरे शतक होते. त्याचवेळी दुबेने नववे अर्धशतक झळकावले.
ऋतुराजसोबतच शिवम दुबेची बॅटही चांगलीच बोलकी आहे. त्याने अवघ्या २२ चेंडूत आपले अर्धशतक पूर्ण केले. २३ चेंडूत ५६ धावा केल्यानंतर तो खेळत आहे. दुबेने आतापर्यंत ३ चौकार आणि ६ षटकार मारले आहेत. रुतुराज १०७ धावा करून खेळत आहे. त्याने ५९ चेंडूत १२ चौकार आणि ३ षटकार मारले आहेत. चेन्नई सुपर किंग्जने १९ षटकांत ३ गडी गमावून १९५ धावा केल्या आहेत.
कर्णधार ऋतुराजने ५६ चेंडूत आयपीएल कारकिर्दीतील दुसरे शतक झळकावले. त्याने १८ षटकात यश ठाकूरला चौकार मारून आपले शतक पूर्ण केले. या मोसमातील हे आठवे शतक ठरले. १८ षटकांनंतर चेन्नईची धावसंख्या तीन गड्यांच्या मोबदल्यात १७८ धावा आहे. ऋतुराज ५८ चेंडूत १०७ धावांवर खेळत असून शिवम दुबे १८ चेंडूत ३९ धावा करत आहे. आतापर्यंत दोघांमध्ये ३७ चेंडूत ७७ धावांची भागीदारी झाली आहे.
शिवम दुबेने गोलंदाजांची धुलाई सुरू केली आहे. यश ठाकूरच्या षटकात त्याने षटकारांची हॅट्ट्रिक साधली. सीएसकेने १६व्या षटकात १९ धावा केल्या. चेन्नईने ३ विकेट गमावून १५४ धावा केल्या आहेत. शिवम दुबे १५ चेंडूत ३७ धावा करून खेळत आहे. ऋतुराज गायकवाड ४९ चेंडूत ८६ धावा करून खेळत आहे.
चेन्नई सुपर किंग्जने १५ षटकात ३ गडी गमावून १३५ धावा केल्या आहेत. गायकवाड ४८ चेंडूत ८५ धावा करून खेळत आहे. त्याने १० चौकार आणि १ षटकार मारला आहे. शिवम दुबे १९ धावा करून खेळत आहे. दुबे आणि गायकवाड शानदार फलंदाजी करत आहेत.
चेन्नई सुपर किंग्जने १३ षटकात ३ गडी गमावून १११ धावा केल्या आहेत. ऋतुराज गायकवाड ४१ चेंडूत ७२ धावा करून खेळत आहे. शिवम दुबे ९ धावा करून खेळत आहे. त्याने षटकार मारला आहे. लखनऊकडून मॅट हेन्री, मोहसीन खान आणि यश ठाकूर यांनी १-१ विकेट घेतली आहे.
चेन्नई सुपर किंग्जची तिसरी विकेट पडली. रवींद्र जडेजा आऊट होऊन पॅव्हेलियनमध्ये परतला. मोहसीन खानने त्याला पॅव्हेलियनचा रस्ता दाखवला. चेन्नईने ११.५ षटकांत ३ गडी गमावून १०१ धावा केल्या आहेत. जडेजा १६ धावा करून बाद झाला.
चेन्नई सुपर किंग्जने १० षटकांत २ गडी गमावून ८५ धावा केल्या. ऋतुराज गायकवाड ३२ चेंडूत ५८ धावा करून खेळत आहे. त्याने ८ चौकार मारले आहेत. रवींद्र जडेजा १४ धावा करून खेळत आहे. लखनऊ विकेटच्या शोधात आहे. गायकवाड आणि जडेजा यांच्यात ३६ धावांची भागीदारी झाली आहे.
https://twitter.com/iamgurpreetmaan/status/1782786664844140916
चेन्नई सुपर किंगजने ९ षटकानंतर २ बाद ७४ धावा केल्या आहेत. कर्णधार ऋतुराजने २८ चेंडूत ७ चौकाराच्या मदतीने अर्धशतक झळकावले. रवींद्र जडेजा ११ धावा करुन त्याला साथ देत आहे.
चेन्नई सुपर किंग्जला सहाव्या षटकात ४९ धावांवर दुसरा धक्का बसला. यश ठाकूरने डॅरिल मिशेलला पॅव्हेलियनमध्ये पाठवले. दीपक हुडाने मिशेलचा अप्रतिम झेल घेतला. त्याने १० चेंडूत ११ धावांची खेळी खेळली. मिशेलने कर्णधार ऋतुराजसोबत ४५ धावांची भागीदारी केली. सध्या रवींद्र जडेजा ऋतुराजसोबत फलंदाजीला आला आहे. सहा षटकांनंतर चेन्नईची धावसंख्या दोन गड्यांच्या मोबदल्यात ४९ धावा आहे.
लखनौने गोलंदाजीत बदल केला आहे. फिरकी गोलंदाज रवी बिश्नोईला आणले. मात्र, त्याचा फारसा फायदा झाला नाही. ओव्हरच्या तिसऱ्या चेंडूवर ऋतुराज गायकवाडचा झेल सुटला. थोडे अवघड असले तरी. गायकवाडने ओव्हरच्या दुसऱ्या आणि तिसऱ्या चेंडूवर चौकार मारले. या षटकात चेन्नईने १२ धावा केल्या. अशा प्रकारे सीएसकेने ४ षटकात १ गडी गमावून ३७ धावा केल्या आहेत. ऋतुराज २६ धावा करून खेळत आहे. डॅरिल मिशेल १० धावा करून खेळत आहे.
https://twitter.com/banshipanwar855/status/1782779156918616483
चेन्नईने ३ षटकांत १ गडी गमावून २५ धावा केल्या आहेत. ऋतुराज १६ तर डॅरिल मिशेल ८ धावांसह खेळत आहे. लखनऊसाठी मॅट हेन्रीने तिसरे षटक टाकले. पहिला बॉल डॉट होता, दुसरा बॉल दुहेरी धाव घेतली आणि तिसरा बॉल देखील डॉट होता. यानंतर चौथ्या चेंडूवर मिशेलने एकच धाव घेतली. गायकवाडने पाचव्या चेंडूवर दोन धावा चोरल्या. शेवटचा चेंडू डॉट होता.
चेन्नई सुपर किंग्जला मोठा धक्का बसला आहे. सलामीवीर अजिंक्य रहाणे एका धाव करून बाद झाला. त्याला मॅट हेन्रीने बाद केले . मॅट हेन्रीने अतिशय कडक गोलंदाजी केली. त्याने पहिल्याच चेंडूवर एकेरी धाव दिली. यानंतर दुसरा चेंडू डॉट होता. षटकाच्या तिसऱ्या चेंडूवर गायकवाडने दुहेरी धाव घेतली. यानंतर चौथ्या चेंडूवर त्याला एकच धाव मिळाली. पाचवा चेंडू डॉट होता. शेवटच्या चेंडूवर त्याला विकेट मिळाली.
चेन्नई सुपर किंग्ज : अजिंक्य रहाणे, ऋतुराज गायकवाड (कर्णधार), डॅरिल मिशेल, मोईन अली, शिवम दुबे, रवींद्र जडेजा, महेंद्रसिंग धोनी (यष्टीरक्षक), दीपक चहर, तुषार देशपांडे, मुस्तफिजुर रहमान,
https://twitter.com/IPL/status/1782766191452307611
लखनऊ सुपरजायंट्स: क्विंटन डी कॉक, केएल राहुल (कर्णधार आणि यष्टिरक्षक), मार्कस स्टॉइनिस, दीपक हुडा, निकोलस पूरन, आयुष बडोनी, क्रुणाल पंड्या, मॅट हेन्री, रवी बिश्नोई, मोहसिन खान, यश ठाकूर.
लखनऊ सुपर जायंट्सचा कर्णधार केएल राहुलने चेन्नईविरुद्ध नाणेफेक जिंकून प्रथम गोलंदाजी करण्याचा निर्णय घेतला आहे. राहुलने सांगितले की, त्याने प्लेइंग इलेव्हनमध्ये कोणताही बदल केलेला नाही. त्याचवेळी चेन्नईचा कर्णधार ऋतुराजने प्लेइंग इलेव्हनमध्ये बदल केला आहे. आउट ऑफ फॉर्म असलेल्या रचिन रवींद्रच्या जागी डॅरिल मिशेलचे पुनरागमन झाले आहे.
चेन्नई आणि लखनऊ हे दोन्ही आघाडीच्या तीन संघांपैकी आहेत ज्यांचे इकॉनॉमी रेट उत्कृष्ट आहेत. लखनऊचे आकडेही थोडे खाली जातात. कारण त्यांनी घरच्या मैदानावर कमी धावसंख्येचे सामने खेळले आहेत. सीएसकेने २३.२८ च्या सरासरीने आणि १०.१३ च्या इकॉनॉमीने विकेट्स घेतल्या आहेत, तर लखनऊने २१.५३ च्या सरासरीने आणि १०.२४ च्या इकॉनॉमीने विकेट घेतल्या आहेत.
एमए चिदंबरम स्टेडियमवर (चेपॉक) चेन्नई सुपर किंग्ज आणि लखनऊ सुपर जायंट्स यांच्यात आतापर्यंत एक सामना खेळला गेला आहे. ३ एप्रिल २०२३ रोजी झालेल्या त्या सामन्यात चेन्नई सुपर किंग्जने १२ धावांनी विजय मिळवला होता.
चेन्नई आणि लखनऊच्या सामन्यात सर्वाधिक धावा करणाऱ्या फलंदाजांबद्दल बोलायचे झाले तर केएल राहुल अव्वल स्थानावर आहे. त्याने आतापर्यंत १४२ धावा केल्या आहेत. क्विंटन डी कॉक दुसऱ्या क्रमांकावर आहे. चेन्नईविरुद्ध डी कॉकने ११५ धावा केल्या आहेत. आयुष बडोनीनेही १०१ धावा केल्या आहेत. मोईन अली ८४ धावांसह चौथ्या आणि शिवम दुबे ७९ धावांसह पाचव्या स्थानावर आहे.
लखनऊ सुपर जायंट्सने त्यांच्या शेवटच्या सामन्यात चेन्नई सुपर किंग्जचा ८ गडी राखून पराभव केला होता. हा सामना लखनऊच्या घरच्या मैदानावर होता. मात्र, लखनऊला आपल्या घरच्या मैदानावर पराभूत करण्याची चेन्नईकडे सुवर्णसंधी आहे.
चेन्नई सुपर किंग्जचा चेपॉकचे मैदान हा गड राहिला आहे. यंदाच्या हंगामात आतापर्यंत कोणालाही चेन्नईला त्यांच्या घरच्या मैदानात पराभूत करता आलेलं नाही. संघाने एमए चिदंबरम स्टेडियमवर आयपीएल २०२४ मध्ये तीन सामने खेळले आहेत आणि यजमान संघाने तिन्ही सामने जिंकले आहेत.
चेन्नई सुपर किंग्स आणि लखनऊ सुपर जायंट्स यांच्यात IPL मध्ये एकूण ४ वेळा सामना झाला आहे ज्यामध्ये लखनऊने २ सामने जिंकले आहेत आणि CSK ने एक सामना जिंकला आहे. एलएसजीने त्यांच्या शेवटच्या सामन्यात सीएसकेचा पराभव केला होता. अशा स्थितीत चेन्नईच्या नजरा हेड टू हेड रेकॉर्डमध्ये बरोबरी साधण्यावर असतील.
