GT vs RR Highlights: राजस्थान रॉयल्स ऑल आऊट, गुजरातचा घरच्या मैदानावर शानदार विजय

प्रसिध कृष्णाने उत्कृष्ट गोलंदाजी करत संघाच्या विजयात मोठी भूमिका बजावत आहे. १६व्या षटकात प्रसिध कृष्णाने जोफ्रा आर्चर आणि अर्धशतकी खेळी केलेल्या शिमरॉन हेटमायरला झेलबाद केलं.

राजस्थान रॉयल्सचा निम्मा संघ तंबूत परतला असून संघाने महत्त्वाची विकेट गमावली. १३व्या षटकात प्रसिद्ध कृष्णाने संजू सॅमसनला झेलबाद करत राजस्थानच्या विजयाच्या आशांना मोठा धक्का दिला आहे. यासह आता राजस्थानला ४२ चेंडूत ९९ धावांची गरज आहे.

राशिद खानच्या आठव्या षटकातील चौथ्या चेंडूवर मोठा फटका खेळण्याच्या नादात झेलबाद झाला. राशिद खानची यंदाच्या आयपीएलमधील ही फक्त दुसरी विकेट आहे. यासह राजस्थानने ८ षटकांत ४ बाद ७४ धावा केल्या आहेत.

संजू सॅमसन रियान पराग यांनी पॉवरप्लेमध्ये चांगली फटकेबाजी करत संघाचा डाव सावरला आहे. यासह राजस्थानने पॉवरप्लेमध्ये २ विकेट्स गमावत ५७ धावा केल्या आहेत.

गुजरात टायटन्सने २० षटकांत ६ बाद २१७ धावा केल्या आहेत. अखेरच्या षटकांमध्ये गुजरातने विकेट तर गमावले पण धावांना मात्र ब्रेक लागू दिला नाही. साई सुदर्शनने ८२ धावांची उत्कृष्ट खेळी केली. तर बटलर आणि शाहरूख खान प्रत्येकी ३६ धावांची खेळी करत बाद झाले. यानंतर आलेल्या फलंदाजांनी मोठे फटके मारत झटपट धावा करत विकेट गमावल्या. आता राजस्थानला विजयासाठी २१८ धावांची गरज आहे.

संदीप शर्माच्या १७व्या षटकातील पहिल्या चेंडूवर शेरफेन रूदरफोर्ड एक षटकार लगावत झेलबाद झाला. तर १७ षटकांत गुजरातने ४ बाद १७६ धावा केल्या आहेत.

गुजरात टायटन्स संघाने १५ षटकांत २ बाद १४५ धावा केल्या आहेत. सुदर्शन आणि शाहरूख खान यांनी चांगली भागीदारी रचत संघाच्या चांगल्या धावसंख्येचा पाया रचला आहे.

शानदार फॉर्मात असलेल्या साई सुदर्शनने अजून एक शानदार अर्धशतक झळकावलं आहे. साई सुदर्शनने राजस्थान रॉयल्सविरूद्ध सामन्यात ३२ चेंडूत ५ चौकार आणि २ षटकारांच्या मदतीने अर्धशतक पूर्ण केले आहे.

जोफ्रा आर्चरने सामन्यातील तिसऱ्या षटकातील पहिल्याच चेंडूवर शुबमन गिलला क्लीन बोल्ड करत संघाला ब्रेकथ्रू मिळवून दिला आहे. गिल 2 धावा करत माघारी परतला.

साई सुदर्शन, शुबमन गिल (कर्णधार), जोस बटलर (यष्टीरक्षक), शाहरुख खान, राहुल तेवतिया, शेरफन रूदरफोर्ड, रशीद खान, आर साई किशोर, मोहम्मद सिराज, प्रसीध कृष्णा, अरशद खान

गुजरात टायटन्स वि. राजस्थान रॉयल्स सामन्याची नाणेफेक राजस्थान संघाने जिंकली असून प्रथम गोलंदाजी करण्याचा निर्णय घेतला आहे. हा सामना अहमदाबादच्या नरेंद्र मोदी स्टेडियमवर होत आहे. राजस्थान रॉयल्सच्या संघात वानिंदू हसरंगा त्याच्या वैयक्तिक कारणामुळे संघाबाहेर झाला आहे. त्याच्या जागी फजलहक फारूकीला संधी देण्यात आली आहे.

आयपीएलच्या या हंगामात संजू सॅमसनचा कर्णधार म्हणून हा दुसरा सामना असेल. मागील सामन्यात त्याने कर्णधार म्हणून विजय नोंदवला होता, तर शुबमन गिलच्या नेतृत्त्वाखाली गुजरातने विजयाची हॅटट्रिक साधली आहे. या सामन्यात दोन्ही संघ विजयी घोडदौड कायम ठेवण्याचा प्रयत्न करतील.

संजू सॅमसन (कर्णधार), यशस्वी जैस्वाल, रियान पराग, ध्रुव जुरेल, शिमरॉन हेटमायर, संदीप शर्मा, जोफ्रा आर्चर, महेश तीक्ष्णा, वानिंदू हसरंगा, आकाश मधवाल, कुमार कार्तिकेय, नितीश राणा, युधवीर सिंग, फजलहक फारुकी, वैभव सुर्यवंशी, क्वेना मफाका, कुमार कार्तिकेय, कुणाल राठोड, अशोक शर्मा, तुषार देशपांडे, शुभम दुबे.